اسلام آباد ۔ 13جون (اے پی پی) وزیراعظم عمران خان شنگھائی کمکار تنظیم نا 19 می سروکی دیوان اٹی بشخ ہلنگ کن کرغزستان آ رادہ مس ۔ وزیر خارجہ شاہ محمود قریشی و وزیراعظم نا خصوصی کمکار امور نوجوانان عثمان ڈار ئسک ہم اوڑتون اوارو ۔ شنگھائی کمکار تنظیم نا سربراہان مملکت نا کونسل نا 19 می دیوان کرغزستان نا دارالحکومت بشکیک اٹی مننگ ءِ ۔ کرغزستان نا دورہ غا روانہ مننگ آن مست وزیر خارجہ شاہ محمود قریشی صحافی تتون گپ و تران کرسا پارے کہ وزیراعظم عمران خان سرکڑدہ ہی دیوان نا اِرا سیشن آن تران کیک، ہرافتے ٹی چین، روس و بھارت تون اوار ایلو ملک آتا راہشونک ہم بشخ ہلیرہ ۔ اوشنگھائی کمکار تنظیم نا دیوان نا بھلا مسخت ڈیہہ ءِ مون تروک چیلنجز و خاص کر معاشی و سلامتی نا حالیت آتے مون تروک ویل آتا ایسری کن اسیجا کوشست آتیا گپ و تران کننگ ناءِ ۔ اوپارے کہ وزیراعظم عمران خان داوخت آ ایلو راہشون آتون اوڑدہی ہم کیک ۔ داکان مست 21آن 22مئی آ وزیر خارجہ شاہ محمود قریشی بشکیک اٹی اڈ ہلوک آ شنگھائی کمکار تنظیم نا کونسل وزرائے خارجہ نا دیوان اٹی بشخ ہلکوسس ۔ ہراٹی سرکڑدہ ہی دیوان کن دستاویز و فیصلہ غاتے حتمی دروشم اس تننگا ۔
