اسلام آباد۔13جون (اے پی پی) چیئرمین جوائنٹ چیفس آف سٹاف کمیٹی ئِ چیئرمین جنرل زبیر محمود حیاتئَ گشتگ کہ 21می کرن ئَ جنگ ئِ حکمت عملی بازیں سفر کنگئَ پد مٹ بوتگ ، پاکستان ئِ انوگیں سکیورٹی جاورھال تہیءُ ڈنی دست مان کنوکاں چہ آماچ بوتگ۔ خطہ ئَ سکیورٹی جاورحال ساﺅتھ ایشیا ئَ امن ءُ مھکمی ئَ گوں بندوک اِنت۔ آ پاکستان نیوی وار کالج لاہور ئَ نیول سٹاف کورس ئِ باسکاں گوں تران کنگئَ بوتگ۔ پاک بحریہئِ جارچین ئِ گشگئِ ردئَ ترانئِ وہدئَ جنرل زبیر محمود حیات ئَ پاکستان ئِ سکیورٹی جیڑہءُ جنجالانی سرئَ چمشانک داتگ۔ جوائنٹ چیفس آف سٹاف کمیٹی ئِ چیئرمین ئَ خطہ ءُ حاس اوگانستان ئَ امنءُ ایمنی ءُ محکمی جوڑ کنگئَ پاکستانئِ کوشستاں چہ ہم نیول سٹاف کورس ئِ باسک سرپد کتگ اَنت۔ ترانئَ پد جوائنٹ چیفس آف سٹاف کمیٹی ئِ چیئرمین ئَ باسکانی جستانی پسو داتگ۔ ایشیئَ پیسر جنرل زبیر محمود حیات ئِ پاکستان نیوی وار کالج لاہور سربوہگئَ کمانڈنٹ پی این وار کالج،رئیرایڈمرل زاہد الیاس ئَ حاسیں مہمان وش اَتک کتگ اَنت ءُآئیئَ شہیدآنی یاد گارئِ سرئَ پھلانی چادر پِرداتگ۔
