اسلام آباد ۔ 13جون (اے پی پی) مزن وزیر ءِ حاسیں کمک کار ڈاکٹر فردوس عاشق اعوان ءَ گشتگ کہ مزن وزیر عمران خان ءِ راجءَ گوں تران کنانءِ وہدءَ توارءِ بند بوہگ ٹیکنالوجی ءِ ردی بوتگ، پی ٹی وی ءَ را ایر جنوکیں مردماں تاں پنچ سالاں پی ٹی وی ءَ را تباہ کتگ، گوستگیں حکومت ءَ پی ٹی وی ءَ را کرپشن ءِ پشتءَ نیزور کتگ نوں ما آئیءِ تہءَ جان مان کنگ ءَ اَنتء ُ پی ٹی وی ءَ را ایچ ڈی کنگءَ اَنت، پی ٹی وی ریاست ءِ یک حاسیں بھر اِت ۔ پنچ شمبے ءِ روچءَ پی آئی ڈی ءَ پریس کانفرنس کنگءِ وہدءَ یک جستے ءِ پسوءَ مزن وزیر ءِ حاسیں کمک کار ڈاکٹر فردوس عاشق اعوان ءَ گشتگ کہ سرج میں دنیاءَ ٹی وی چینل ایچ ڈی بوتگ اَنت بلے مے بدبھتی اِنت کہ پی ٹی وی انگت ایس ڈی ءِ سرءَ اِنت ۔ آئیءَ گشتگ کہ پی ٹی وی ہما ادارگ اِنت کہ گوستگیں پنچ سالاں تباہ کنگ بوتگ ۔ آئیءَ گشتگ کہ مزن وزیر عمران خان ءِ راجءَ گوں تران کنانءِ وہدءَ توارءِ بند بوہگ ٹیکنالوجی ءِ ردی بوتگ ۔ آئیءَ گشتگ کہ لاورث پی ٹی وی ءِ وارث زوت پیدارک اَنت نوں اے ادارگ دیمروئی کنت ۔
