شنگھائی کمکی گل ءِ سروک دیوان ءِ بنیاتی مول ءُُ مراد پڑے اقتصادی جاور ءُُ سیکورٹی ءَ را گہتر جوڑ کنگ ءِ واستہ وت مہ وتی کمک ءِ گامگیج آنی سر ءَ چار ءُُ تپاس گرگی انت
اسلام آباد ۔ 13 جون (اے پی پی) وزیر ءِ درئی کار مخدوم شاہ محمود قریشی ءَ گوشت کہ شنگھائی کمکی گل ءِ سروک دیوان ءِ بنیاتی مول ءُُ مراد ایش انت کہ ما پڑے اقتصادی جاور ءُُ سیکورٹی ءَ را گہتر جوڑ کنگ ءِ واستہ وت مہ وتی کمک آنی ھوالگ ءَ گامگیج آنی سر ءَ چار ءُُ تپاس گرگ انت ۔ پنچ شمبے ءِ روچ ءَ بشکیک روادگ بوھگ ءَ پیسر میڈیا ءَ گوں تران کنان ءَ وزیر ءِ درئی کار ءَ گوشت کہ مزن وزیر عمران خان 2روچی دیوان ءَ بھر زوری ءِ ھاترا بشکیک ءَ روانگ بوتگ ۔ اے ایس سی او ءِ سروکیں پڑ ے دیوان ات ایشی ءِ تہ ءَ ارزشتی ایں ملک بھر زوری کنگ ءَ انت ایشانی تہ ءَ روس، چین ، پاکستان ءُُ بھارت ھم ھوار انت ۔ آئی ءَ گوشت کہ دیوان ءِ بنیاتی مول ءُُ مراد اے چارگری انت کہ ما پڑ ءِ اقتصادی جاور ءُُ سیکورٹی ءَ را گہتر کنگ ءِ واستہ وت مہ وتی کمک ءَ چہ کتگ گامگیج کت کناں ۔ ھمے رد ءَ لستیں روچ پیسر ایس سی ار ءِ وزیر ءِ درئی کونسل ءِ دیوان برجم دارگ بوتگ ۔ اے دیوان ءَ ما سروکیں پڑے دیوان ء ِ واستہ لستیں شور ءُُ سلاھ گیشینتگ بوتگ نوں ایشاناں سروکیں تک ءِ دیم ءَ ایر کناں ایشانی بابت ءَ آ وتی پیسلہ ءَ دینت ۔ اے موہ ءِ سر ءَ مزن وزیر عمران خان ءِ ایندگر ملک آنی سروک آں گوں گند ءُُ نند ءُُ شور ءُُ مشور کنگ بیت ۔
