مزن وزیر ئِ ھزانگ ئِ صلاحکار ڈاکٹر عبدالحفیظ شیخ ئِ پوسٹ بجٹ پریس کانفرنس

اسلام آباد ۔ 12 جون (اے پی پی)مزن وزیر ئِ صلاحکار برائے ھزانگ ڈاکٹر عبدالحفیظ شیخ ئَ گوشت کہ گرانیں معاشی جاورانی ابید حکومت ئَ متوازن بجٹ پیش کتگ انت۔چاگردے گریبیں مردمانی ھاترا بجٹ ئَ را 100ارب کلدار شہ گیش کنان ئَ 191ارب کلدار ،دیمروئی بجٹ550ارب کلدارچہ گیش کنان ئَ 950ارب کلدار کنگ بوتگ انت، خیبرپختونخوا ئِ تہ ضم بوتگیں تمنی ضلعہاں،کم دیمروئی کتگیں دمگانی سرا باز دلگوشی دیگ بوتگ انت، ایکسپورٹ ئِ سرا ہچ ٹیکس نہ بیت،ایکسپورٹ ئِ تک ئَ را توان ئُُ گیس ئِ ھوار آسراتی ئِ پھجارگ ئَ کمک کنیں،کچہ مال ئِ امپورٹ ئِ سرا ڈیوٹی ھلاس کتگ انت،گراں بہائی کم کنگ ئِ ھاترا گامگیج چست کنگ بوھگ انت،ملک ئِ راج دپتر ئَ اولی رند ئَ سلاھ بندیں اُردو ئَ وتی بجٹ ئِ تہ ودکی نہ لوٹ کتگ،بجٹ ئِ تہ 2900 ارب کلدار گوست ئِ وامانی سود ادا کنگ ئَ پہ تیار ایر کتگ ات، 300 یونٹس چہ کم کارمرز کنوکیں کنزیومرز ئِ ھاترا توان ئِ نہاداں ودکی مہ بیت،نوں کسے مردم کمپیوٹر ئِ سرا ایوکا 7ملنٹ ئِ تہ فائلر جوڈ بوت۔اے ھیالانی درشان مزن وزیر ئِ صلاحکار برائے ھزانگ ڈاکٹر عبدالحفیظ شیخ ئَ چار شمبے ئَ ادا پوسٹ بجٹ پریس کانفرنس ئَ گوں تران کنان ئَ کتگ ات۔آہاں گوشت کہ زی پاکستان تحریک انصاف ئِ جمہوری حکومت ئَ وتی اولی بجٹ پیش کتگ۔اے ھوالہ شمے جستانی پسو ئُُ پدرائی دیگ بنت۔آہاں گوشت کہ بنیاتی وڈ ئَ بجٹ اے رنگیں ماحول ئَ پیش کنگ بوتگ کہ وھدیکہ ملک ئَ را معاشی چیلنجز ئِ دیم انت۔آہاں گوشت کہ جست ایش انت کہ مہ اقتصادی جنجال ئِ تہ پرچا انت ئُُ مار ئَ اے ھم سوچ ئُُ بچار کنگ بیت کہ مہ اے جاورئَ چہ چے رنگئَ درپکیں مہلوک ئِ واھشات ئُُ امنگاں سرجم کنیں۔آہاں گوشت کہ وھدیکہ حکومت حاکمی ئِ تہ اتکگ تو ہمہ معیشت کہ مارئَ ورثہ رستگ آئی ئِ جاورھال ئَ شمے دیما ایر کناں۔مئے سرئَ 31 ہزار ارب کلدار وام ات، ایف بی آر 4 ہزار ارب ٹیکس ئَ گرگ انت تو ایشاں چہ 2ہزار ارب کلدار چہ گیش گوست حکومت آنی وھداں گپتگیں وامانی سرا سود ادا کنگ ئَ ھرچ بوھگ انت۔آہاں گوشت کہ صوبگاں را 60درسد رسگ انت تو اولی روچئَ چہ بنجاھ تاوان ئَ بوھگ انت۔آہاں گوشت کہ ایشی ئِ ابید فوجی،سول ئُُ دیمروئی ھرچ ھم انت ہمہ کہ مارا وام زرت پیلو کنگ بوھگ انت۔ ڈاکٹر عبدالحفیظ شیخئَ گوشت کہ راستی ایش انت کہ اے وام اے حکومت ئَ نہ بلکہ گوست ئِ حکومت ئَ گپتگ اتئُُ مئے زمہ واری انت کہ ایشی ئَ گوں دیم دیگ بیت۔آہاں گوشت کہ سیاست ئَ را راستی ئَ چہ جتا ایر کنگ بیت ئُُ مارئَ راستی ئَ گوں احتلاف مہ کنگ بیت۔آہاں گوشت کہ ملکی معیشت ئِ دومی پہلو ایش انت کہ ملک ئِ سرا 100ارب ڈالر ئِ نزیک ئَ درملکی وام ھم انت ہمہ کہ ڈالر ئِ تہ ادا کنگی انت۔پنچ سال ئَ چہ گیش وھد ئَ مئے امپورٹ ئِ تہ 0درسد ودکی بوتگ وھدیکہ ایکسپورٹ یکشلہ گیش بوھگ انت۔آہاں گوشت کہ مئے بیئپاری تاوان 40ارب ڈالر ات،اے تناظر ئَ یک نیمگا درملکی پے منٹئِ پریشر،وامانی کچ ئُُ جیڈھ ساڑی انت۔آہاں گوشت کہ بجٹ ئِ تہ سئے چار چیزانی سرا ھاسین دلگوشی دیگ بوتگ ات ئُُ اے گپ شمے دیما انت کہ حکومت ئَ وتی دوست ملکاں چہ 9.2 ارب ڈالر گپتگ ات،ایشی ئِ ابید موخر ادائیگی ئِ سرا 4.5 ارب ڈالر ئِ تیل ایکسپورٹ ئِ بند ئُُ بوج ھم کتگ۔ آہاں گوشت کہ حکومت ئَ پرتعیش چیزانی سرا امپورٹ ڈیوٹی جتگ انت تنکہ امپورٹ کم بیت۔ایشی ئِ ابید ایکسپورٹ ئِ سرا انسینٹوداتگ ات تنکہ اے گیش بنت۔ملک ئِ مالیاتی تاوان ئِ باروا ھزانگ صلاحکار ئَ گوشت کہ حکومت ئَ ھرچئُُ انکم ئِ تہ بیلنس ئِ ھاترا ٹیکس ریونیو ئِ گرانیں ٹارگٹ ایر کتگ انت،امیرئِ مردماں را ئُُ ملک ئَ گوں مخلص ہمک شہری ئَ را ٹیکس دیگ بیت،پاکستان ئِ ٹیکس انکم ئِ شرح 11، 12درسد انت ہمہ کہ دگنیا ئِ کم تر ئِ ٹیکس شرح انت،ہمہ کہ قابل قبول نیست انت،مئے خطہ ئِ دگہ ملکانی تہ ھم اے شرح گیش انت۔ حکومت ٹیکس ئِ دائرہ کار ئِ تہ ودکی کن ایت ئُُ اگہ ایشی ئَ چہ کسے مردم وش نہ بنت تو بلے بنت مہ ایشی ئَ پہ ساجو انت۔آہاں گوشت کہ حکومت ئَ ھرچانی تہ کمی ئِ وعدہ کتگ ات ایشی ئِ سرا عمل کنگ بوھگ انت ئُُ ھرچانی تہ کمی کنان ئَ حکومت ئَ مہلوک ئَ را کلوھ دات کہ مہ پیسر ئَ چہ وتی ھرچ کم کتگ ات۔ سویلین حکومت ئِ ھرچانی تہ باز کمی کنگ بوتگ،گوستگیں سال ئِ مقابلہ ئِ تہ سول ھرچ ئَ را 468ارب کلدار ئَ چہ 431ارب کلدار ئِ تاں کم کتگ انت۔آہاں گوشت کہ گراں بہائی چہ کیمت گیش بوھگ انت بلے ایشاں را کم کنگ ئِ ھاترا گامگیج زورگ بوھگ انت۔آہاں گوشت کہ ملک ئِ راج دپتر ئَ اولی رند ئَ سلاھ بندیں اُردو ئَ وتی بجٹ ئَ ودکی نہ لوٹ اتگ ئُُ گوزوکیں مالی سال ئِ تہ اے بجٹ 1150ارب ات ئُُ ایشی ئَ را آوکیں مالی سال ئَ پہ ھم اے تبک ئَ منجمند کنگ بوتگ انت۔ھزانگ مشیرئَ گوشت کہ اے یک شریں کلوھ انت ہمہ کہ دگنیا ئُُ مہلوک ئَ دیگ بوتگ کہ ۔راجی راھشون مچ انت ئُُ مہ حکومتی ھرچانی سرا گرودار کت کنیں۔آہاں گوشت کہ مہ اے وامانی پے منٹ کنگی انت ہمہ کہ گوست ئِ حکومت ئَ گپتگ ات پرچاکہ مئے ملک ڈیفالٹ نہ کت کن ایت۔ آہاں گوشت کہ آوکیں مالی سال ئِ بجٹ ئِ تہ 2900ارب کلدار گوست ئِ وامانی سود ادا کنگ ئِ ھاترا ایر کتگ ات، فوج ئَ را 1150 ارب کلدار دیگ بوھگ انت۔ آہاں گوشت کہ اے لہتیں راستی انت ہمہ شمے نیمگا ایر کتگ ات بلے ایشی ابید مئے معاشی جاورھال اے رنگیں انت ئُُ مہ جزم کت کہ مہ ایشی ئِ سرا کمپرومائیز نہ کنیں۔ھزانگ صلاحکار ئَ گوشت کہ گرانیں معاشی جاورئِ ابید حکومت ئَ سئے،چار تکئَ بجٹ گیش کتگ،مہ ملک ئِ تہ گیش نزورئِ تبک،کم انکم زوروکیں مردم،جنوزام ،یتیم ئُُ گریبیں زالبولانی سرا دلگوشی داتگ تنکہ آں ایشی ئَ نہ سمجھ انت کہ مہ ایشاں را شموشت انت۔آہاں گوشت کہ چاگردی رکھگ ئِ لہتیں مراگش ئِ بجٹ 100ارب چہ 191ارب تاں گیش بوتگ۔ حکومت مہلوک ئَ را ہیلتھ کارڈز، انشورنس، مفت علاج، ورگ ئِ چیزاں، راشن کارڈزئَ پھجارایت۔آہاں گوشت کہ حکومت ئَ اے تبکانی رکھگ ئِ ھاترا توان ئِ نہاداں گیشی ئِ سرا سبسڈی دیگ ئِ پیسلہ ھم کتگ ئُُ ہمہ کہ کنزیومر 300یونٹس ئَ چہ کم توان کارمرز کن ایت ایشی ئَ را مراعات دیگ بنت ئُُ آہانی ھاترا توان ئِ نہاداں ودکی مہ بیت۔ آہاںگوشت کہ سیمی ھاسین تک دیمروئی بجٹ انت ایشی ئَ چہ روزگار ئِ موہ ودی بوھگ انت ،بنیاتی کوکا ئِ دیمروئی بوھگ انت ئُُ ملک معاشی دیمروئی ئَ ودکی بوھگ انت،اے مد ئَ گوزوکیں مالی سال ئِ تہ 550ارب کلدارھرچ بوتگ ات وھدیکہ آوکیں مالی سال ئِ ھاترا 950ارب کلدار ئِ دیمروئی بجٹ ایر کنگ بوھگ انت،ایشی ئِ تہ بھاشا، مہمند ڈیمز، داسو ہائیڈل پاور پراجیکٹ، شاھدگانی ئِ جوڈ،بلوچستان ،کراچی پیکجز ئُُ فاٹا ئِ لہتیں دیمروئی منصوبگ سرجم کنگ بنت۔آہاں گوشت کہ ایشی ئِ ابید ملک ئِ گیشتر گریب دمگاں ئُُ ھاسکر قبائلی ئُُ بلوچستان ئِ دمگانی سرا دلگوشی دیگ بوتگ۔ فاٹا ئِ خیبرپختونخوا ئِ تہ ضم بوتگیں ضلعہانی ھوالہ چہ حکومت ئَ ہمہ پیسلہ کتگ ئُُ ایشی ئِ سرا وڈ ئُُ پیم ھم کتگ،اے ضلعہانی دیمروئی ھاترا152ارب کلدار ایر کنگ بوھگ انت تنکہ ایشاں را دیمروئی دیگ بہ بیت،اے حکومت ئِ یک دگہ ھاسیں گام ات۔آہاں گوشت کہ چارمی ھاسیں چیز ایش انت کہ حکومت ئِ کم آمدنی ئِ ابید جندی تک ئِ کمک ئِ ھاترا توان،گیس ئِ ھوار دگہ مراعات دیگ بوھگ انت۔ ھزانگ مشیر ئَ گوشت کہ ایشی ئِ ابید حکومت ئَ 5500ارب کلدار ٹیکس زورگ ئِ ٹارگٹ ایر کتگ انت۔جست ایش انت کہ اے ٹیکس کجام جاھ چہ زورگ بنت ئُُ مئے کوسشت چے بنت۔ آہاں گوشت کہ چیئرمین ایف بی آر ادا ساڑی انت ئُُ اے ھوالہ چہ سرجمیں تفصیل چہ سرپد کن انت۔آہاں گوشت کہ اے یک مزنیں ایریا انت اودا چہ ٹیکس گرگ لوٹگ انت ۔ایکسپورٹ ئِ سرا زیرو ریٹنگ انت ہچ ٹیکس نیست انت،ات نظام برجاھ بیت ۔آہاں گوشت کہ ٹیکس نظام ئِ ھوالہ چہ سیمی ھاسیں چیز فائلر ئُُ نان فائلر ئِ نظام انت ایشی ئِ باروا چیئرمین ایف بی آر پدرائی دنت،فائلر ئُُ نان فائلر ئِ نظام ھلاس کنگ بوھگ انت،اگہ کسے نان فائلر گاڈی یا ملکیت بہا گپت تو ایشی ئَ را فائلر بوھگ بیت ایشی ئِ سرا 45روچاں عمل کنگ بیت۔آہاں گوشت کہ اگہ کسے مردم 20لکھ ئِ گاڈی بہا زورایت تو ایشی ئَ را وتی انکم ئِ سورس گوشگ بیت،ایشی ئَ چہ ھم شریں آسر دیما کائینت ئُُ ٹیکس ئِ تہ ودکی بیت۔آہاں گوشت کہ مہ فائلنگ ئِ راھبنداں آسراتی ئَ ودکی کنگ اوں ئُُ نوں کجام مردم ایوکا 6ملنٹ ئِ تہ فائلر جوڈ بیت ایشی ئِ ھاترا کسے کرئَ روگ ئِ ضلورت نیست انت۔ھزانگ صلاحکار ئَ گوشت کہ چارمی ھاسیں چیز ٹیرف ئِ نظام انت،آہاں گوشت کہ راجی صنعت ئِ ھاترا اے رنگیں کچہ مال ہمہ کہ ملک ئِ تہ ساڑی ئُُ ودی مہ بوھگ بیت تو ایشی ئِ سرا کسٹم ڈیوٹی 0درسد کنگ بوتگ تنکہ مئے صنعت اگہ کچہ مال امپورٹ کن ایت تو ایشی ئَ را آسانی بیت ئُُ ایشی ئِ پیداواری ھرچ کم بنت۔آہاں گوشت کہ تیار ئُُ لگزری چیزانی امپورٹ ئِ سرا ٹیکس 4درسد ودکی کنگ بوتگ پرچاکہ اگہ امیریں مردم فرانس،برطانیہ یا دگہ ملکانی چیزاں کارمرز کنگ لوٹگ انت تو آں ٹیکس ئَ دنت۔آہاں گوشت کہ حکومت ئَ گرانیںمعاشی جاورھال ئِ ابید سول ملازمانی بنیاتی پگھارانی تہ یک چہ 16ئِ تاں10درسد،گریڈ17چہ بگر20ئِ تاں 4درسدایڈہاک ریلیف داتگ وھدکہ گریڈ21ئُُ 22ئِ ملازمانی پگھاراں ہچ ودکی مہ کتگ۔آہاں گوشت کہ دومی نیمگا بنجاہی وزیرانی ئُُ کابینہ ئِ باسکانی پگھارانی تہ ملکی راج دپتر ئَ اولی رند ئَ 10درسد کمی کنگ بوتگ ،پگھارانی تہ ودکی رد سلاھ بندیں اُردو ئِ ھم سول ملازمانی وڈ ئَ بیت۔آہاں گوشت کہ پگھارانی سرا ایر انکم ٹیکس ئِ تہ کمو باز بدلی کنگ بوتگ انت۔