اسلام آباد ۔ 12 جون (اے پی پی) مزن وزیر ئِ ھاسیں کمار برائے اھوالکاری ئُُ شنگ کاری ڈاکٹر فردوس عاشق اعوان ئَ گوشت کہ مریم صفدر ئِ الس ئِ جیڈھ آں گوں دور دوراں گوں سیادی نیست، آئی ئَ را پھمگ لوٹ ایت کہ نوں آئی ئِ شہنشاھی ئِ زمانگ نہ انت، نواز شریف آمید گس ئِ توک ئَ دروگ بند سہرا بوتگ، آمید گس ئَ سہرا بوتگ کہ شریف ھاندان پُشتاں چہ ڈنگ ات، مزن وزیر عمران خان آوانی دُزئی ئَ را سہرا کنگ ئِ واستہ کمیشن ئِ برجا کنگ ئِ جار جتگ، کمیشن ئِ جار ئَ گوں آئی ئِ کوکار قلاتاں سر بوھگ ئَ انت۔ چار شمبے ئِ روچ ئَ پی ٹی وی ئَ گوں تران کنان ئَ مزن وزیر ئِ ھاسیں کمار ڈاکٹر فردوس عاشق اعوان ئَ گوشت کہ شریف ھاندان ئَ 24 ہزار ارب کلدار ئِ وام زرتگ، نواز شریف ئَ وام ئِ مٹ ءَ ایوک ئَ وتی زھگ آنی آیوکیں باندات ئِ باروا سسا کتگ، آئی ئَ را پسو دیگ لوٹ ایت کہ رائیونڈ ئِ ماڑی ئُُ ڈن ملک ئِ جاھ ئُُ قلات چہ کجا جوڑ کتگ اَنت؟ آئی ئَ گوشت کہ ایوک ئَ پیسریگیں مزن وزیر ئُُ سر وزیر ئِ ھاندان مڈی آنی تہ ئَ 85درسد گیشی چتور بوتگ؟ آئی ئَ گوشت کہ مزن وزیر عمران خان راج ئِ رھشون انت، عمران خان راج ئِ آسودگی ئِ جہاد ئَ کنگ ئَ انت، پاکستان ئَ ادارگ آناں مھکم کنگ اول سرئی کار انت۔ آئی ئَ گوشت کہ کانود ئِ آزات بوھگ ئَ چہ زوراکیں ڈنگیں ھاندان جیل ئِ توک اَنت۔ مزن وزیر ئِ سر ئَ ایراد گرگ ئَ چہ پیسر وتی مڈیگیں چم آں الم بچار انت۔
