اسلام آباد۔ 12جون (اے پی پی) بنجائی وزیر بجلی عمر ایوب خان پارینے کہ سلہہ بند فوج تینا بجٹ ءِ منجمد کرے و اوڑان ننے 172ارب روپئی دوئی مسنے، 52ارب روپئی سول حکومت چندر انا کمک اٹ بچفینے تانکہ فاٹا ٹی روڈ، ہسپتال، سکول، کالج، یونیورسٹی و ایلو ڈٹ آتا بناءِ کننگ مرے۔ داخیال آتا درشانی ءِ او چارشنبے نادے آ پوسٹ بجٹ پریس کانفرنس آن تران کرسا کرے۔ اوپارے کہ نن وزیراعظم عمران خان، سلاہکار خزانہ و سلہہ بند فوج انا منت واری ءِ ہرفینہ۔ اوپارے کہ ننے برآمدی بشخ ءِ شون تروئی ءِ، گیس و بجلی نا نرخ آتے ٹی صنعت آتے آسراتی تروئی ءِ۔ اوپارے کہ ماہانہ 300 یونٹ اسکان بجلی ءِ کاریم اٹ اتوک آ صارف آتے سبسڈی تننگک ہرا کل صارف آتا 75 درسد ءِ۔ اوپارے کہ 216 ارب روپئی نا سبسڈی بجلی نا مد اٹ نیامی تپہ ءِ ملنگ ءِ۔ اوپارے کہ فاٹا کن ہرا فنڈ ءِ جتا کننگانے اوفتا کچ 152ارب روپئی ءِ و داٹی 83ارب روپئی براہ راست شونداری ڈٹ آتے کن ءُ۔ اوپارے کہ بلوچستان نا شونداری کن ہم فنڈ تننگ انگ ءِ۔
