پوسکن آ صوبائی بجٹ اٹی غٹ اسٹیک ہولڈر آتے پت اٹ ہلنگ انگ ءِ، مستین نا روایت آتیانبار بند کمرہ غاتے ٹی بجٹ ءِ جوڑ کپنہ، تدوک آ مسہ چار تُو آن غٹ محکمہ غاک بجٹ نا جوڑ کننگ آ سنجیدگی اٹ کاریم کننگ ءُ، وزیراعلیٰ خصوصی گام گیج پروگرام نا رداٹ صوبہ ٹی آب اٹ تعلیم، شرح خواندگی نا ودکی کن حکمت عملی اس جوڑ کننگانے، صوبائی وزیر خزانہ بلوچستان میر ظہور بلیدی نا بلوچستان پری بجٹ پریس بریفنگ آن تران

کوئٹہ۔ 12جون (اے پی پی) صوبائی وزیر خزانہ بلوچستان میر ظہور احمد بلیدی پارینے کہ پوسکن آ صوبائی بجٹ اٹی غٹ اسٹیک ہولڈر آتے پت اٹ ہلنگ انگ ءِ، مستین نا روایت آتیانبار بند کمرہ غاتے ٹی بجٹ ءِ جوڑ کپنہ، غٹ معاملہ غاتے شفاف و اوپن تخنگک تدوک آ مسہ چار تُو آن غٹ محکمہ غاک بجٹ نا جوڑ کننگ آ سنجیدگی اٹ کاریم کننگ ءُ، داخیال آتا درشانی ءِ او بلوچستان پری بجٹ پریس بریفنگ آن تران کرسا کرے، داوخت آ ترجمان صوبائی حکومت لیاقت علی شاہوانی، سیکرٹری خزانہ بلوچستان نور الحق بلوچ، ایڈیشنل چیف سیکرٹری ڈویلپمنٹ عبدالرحمان بزدار ئسک ہم ساڑی ئسر۔ وزیر خزانہ بلوچستان میر ظہور احمد بلیدی پارے کہ مائنز اینڈ منرلز کوسٹل سائیٹ تون اوار اہم بشخ آتیا زرکاری کرسا اوفتے کٹیا نا حامل بشخ جوڑ کننگ انگ ءِ بڑزکو تعلیم نا شونداری کن تدوک آ حکومت آتے ٹی جامعہ غاتے کن پنچ سد ملین روپئی جتا کننگاکہ ہرادے کہ نن ودفسا اسہ ارب پنجا کروڑ روپئی کننگ نا فیصلہ ءِ کرینن دامسخت کن جامعہ غاتے ٹی وسیلہ غاتا سہی بشخ وپانٹ ءِ المی کننگ کن خصوصی کمیٹی اس جوڑ کننگانے، وزیراعلیٰ خصوصی گام گیج پروگرام نا رداٹ صوبہ ٹی آب اٹ تعلیم و خواندگی نا کچ اٹی ودکی کن حکمت عملی اس جوڑ کننگانے داکان بیدس مالی وتواجہی کن فنانس بل اٹی خراج آتا وصولی نا جامع نظام اس وضع کننگ اُن ہراڑان صوبہ نا تینا کٹیا تیٹی ودکی مریک اوپارے کہ بلوچستان اٹی بھلا ڈٹ آتا فنڈنگ کن بنجاتون رجوع کننگانے و کوئٹہ، ژوب روڈ، کوئٹہ کراچی روڈ، آواران جاہوبیلہ روڈ، ڈیرہ مراد جمالی بائی پاس، تربت، بلیدہ روڈ، لولنگ ڈیم وندر ٹیم اتون اوار بھلا ڈٹ آتے کن بنجا کمکاری کن رضامندی پاش کرینے بنجائی حکومت مالی حالیت آتا گچینی تون پین کمکاری ءِ ودفنگ نا عزم پاش کرینے وزیر خزانہ بلوچستان میر ظہور احمد بلیدی پارے کہ پاک فوج انا کنڈآن بجٹ اٹی ودکی ءِ الپننگ نا فیصلہ نا ستاءِ کینہ، دا وسیلہ غاک پسماندہ صوبہ بلوچستان و کے پی کے نا شونداری ٹی کاریم اٹ اتنگرہ و ترند رفتار شونداری ٹی کمکار مریرہ۔ وزیر خزانہ بلوچستان پارے کہ این ایف سی ایوارڈ کن بلوچستان حکومت این ایف سی سیکرٹریٹ اس جوڑ کننگ والا ءِ ہرا بنجا آن این ایف سی ایوارڈ نا بشخ ءِ پورو ہلنگ کن غٹ پلو آتیا کاریم کیک، اوپارے کہ پوسکن آ صوبائی بجٹ اٹی ورناکسب کار پروگرام اس درستی راستی کرفنگ اُن ہراڑان شش ہزار آن زیات ورناک فائدہ ہرفنگ کیرہ۔ پریس بریفنگ آن تران کرسا ترجمان صوبائی حکومت لیاقت علی شاہوانی پارے کہ بلوچستان نا تاریخ اٹی اولیکو وار راستکی تیا مبنی عمل نا قابل بجٹ اس پیش کننگ والا اُن بجٹ ءِ السی گرج و است خواہی تون ہم گرنچ کننگ کن بجٹ ءِ جوڑ کننگ آن مست صوبہ نا غٹ علاقہ غاتے ٹی السی ویل آتا جاچ ءِ ہلسا وسیلہ غاتا سہی کاریم اٹ اتنگ کن حکمت عملی اس جوڑ کننگانے و ساڑی آ بجٹ گدرینگوک آ غٹ بجٹ آتیان جتا مریک وزیراعلیٰ بلوچستان جام کمال خان نا ویژن نا رداٹ بجٹ اٹی وڈی خوری نا کسر ءِ توننگانے و کرپشن آ زیرو ٹالرنس خننگک اوپارے کہ بلوچستان اپوزیشن باسک آک بجٹ نا بابت غلط حساب وکتاب پیش کریر وخت اس کہ اسمبلی ٹی اپوزیشن نا ہیڈ ماسٹر غیر اخلاقی لوز آتے کاریم اٹ ایس، درست حساب وکتاب نا رداٹ غٹ باسک آتے است جم کننگ کن تیار اُن بلوچستان نا ساڑی آ بجٹ تاریخ نا غٹ آن زیات الس دوست بجٹ مریک۔ اسمبلی نا ماسٹر جی سنجیدگی نا درشانی ءِ کے دلیل و دوئی دستاویز آتا رداٹ ورندی ءِ تننگ کن تیار اُن دا پیدوار ءِ کہ حکومت گڑاس باسک آتا کنڈآن مالی کمیشن نا لین دین نا غٹ ڈٹ بیست ءُ پنچ سد ناقابل عمل اسکیم آتے بجٹ دستاویز آن ڈلیٹ کرسا چٹفین، اوپارے کہ ہفدہ ہزار خورک آسامی تیا میرٹ آ بھرتی کننگ والا اُن ہراڑان بے روزگاری ٹی ہم خاطر خواہ کمتی بریک، ترجمان صوبائی حکومت پارے کہ 2017 ء ٹی ایم ایس ڈی نا کنڈآن ہلوک آ 16دوائی بے معیاری ثابت مسر انکوائری پورو مس کیس وزیراعلیٰ انسپیکشن ٹیم ءِ مون تننگانے۔ ملک اٹی جاری اینٹی کرپشن ڈرائیو ءِ سپورٹ کینہ اوپارے کہ بنجائی بجٹ اٹی بلوچستان آ چکار کننگانے بروک آ سال دا دے تسکان پیدوار بدلی اس خننگک۔ صوبائی بجٹ اٹی غٹ محکمہ غاتے کن بجٹ اس جتا کننگ انگ ءِ، جم وڑاٹ ساڑی آ بجٹ تدوک آ روایت آتیان ایڑتر مریک ودانا بھرمک حقی وڑاٹ لس بندغ نا زند آ نمان وڑاٹ محسوس مریرہ۔ پریس بریفنگ اٹی سیکرٹری خزانہ بلوچستان نور الحق بلوچ بجٹ نا نمان خدوخال ءِ مون آ تخا۔