بجٹ2019-20ء، سرکاری تکے دیمروئی مراگشءِ ھاترا 1863 ارب کلدار ایر بنجاھ ءَ را 951 ارب،912 ارب کلدار دیگ بنت

سلام آباد۔ 11 جون (اے پی پی) پاکستان تحریک انصاف ءِ بنجاہی حکومت ءَ 1863ارب ءِ مچ ءِ راجی دیمروئی مراگش ءِ اجراء کتگ۔ راجی دیمروئی مراگش برائے2019-20ءِ تہ 951ارب کلدار ءِ بنجاہی سرکاری دیمروئی مراگش ءُُ صوبگانی 912ارب کلدار ءِ سالینہ دیمروئی مراگش ھوار انت۔اے مراگش ءِ 12می پنچ سالی منصوبگ ءِ اقتصادی پالیسی ءُُ حکمت عملی چہ ہم آھنگ انت ایشی ءِ تہ اقتصادی گہبودی،متوازن دمگی دیمروئی،چاگردی رکھگ ءَ گہتری ءُُ تخفیف غربت، ہاؤسنگ، آپ ءِ وسیلگ ءَ گیشتری،توانائی ءُُ غذائی رکھگ،مسابقتی نالج اکانومی ءِ دیمروئی ءُُ ٹرانسپورٹ انفراسٹرکچر ءِ تہ جدت ءُُ دراجیں دمگی رھوت ھوار انت۔راجی دیمروئی مراگش ءِ تہ ہمہ دمگانی سرا ھاسیں دلگوشی دیگ بوتگ۔ہمہ کہ سالہا سال چہ چاگردی ءُُ اقتصادی دیمروئی ءِ کارءَ چہ پدا کپتگ ات۔نوکیں دیمروئی مراگش ءِ تہ ساپ ءُُ سرسبز پاکستان جنزءُُ ٹوارزم ءِ پراھی ءِ ھاترا 2 ارب کلدار وھدیکہ 10 سالی دیمروئی مراگش برائے ھوار بوتگیں دمگانی ھاترا 48 ارب کلدار ایر کنگ بوتگ ات۔یات دارگ بہ بیت کہ اقتصادی کونسل ءَ 29مئی 2019ءَ برجمیں دیوان ءِ تہ 1863ارب کلدار ءِ راجی دیمروئی مراگش برائے 2019-20ءِ منظوری داتگ ایشی ءِ تہ صوبگانی ھاترا 912ارب کلدار دیمروئی مراگش ھوار انت۔بنجاہی سرکار دیمروئی مراگش ءِ ھاترا 951 ارب کلدار ایر کنگ بوتگ ات ایشی ءِ تہ 127ارب کلدار ءِ درملکی کمک ھم ھوار انت وھدیکہ وسیلگ ءِ کمی ءِ پیش نظر250ارب کلدار ءِ نوکیں مالیاتی ذرائع چہ بند ءُُ بوج کنگ بیت۔ منصوبگ بندی کمیشن وزارت منصوبگ بندی دیمروئیءُُ گہترکاری ءَ سئے شمبے ءَ آوکیں مالی سال 2019-20ءِ ھاترا سرکاری تک ءِ دیمروئی مراگش ءِ بنائی کتگ۔اے مراگش حکومت پاکستان ءِ دیمروئی ھاترا تذویراتی وژن ھاسیں بھر انت۔راجی دیمروئی مراگش ءِ ردا 42بنجاہی وزارتءُُ ڈویژنانی ھاترا مچ ءِ وڈ ءَ 3کھرب 72ارب 24کروڑ کلدار ایر کنگ بوتگ ات۔ایشی چہ 35 ارب 9 کروڑ کلدار ءَ چہ گیش درملکی کمک ھم ھوار بیت۔کارپوریشنز ھاسکر نیشنل ہائی وی اتھارٹی،این ٹی ڈی سیءُُ پیپکو ءِ ھاترا یک کھرب 97ارب 75کروڑ 90لکھ کلدار ایر کنگ بوتگ ات وھدیکہ ایرا ءِ ھاترا 5ارب کلدار ایر کنگ بوتگ ات۔راجی دیمروئی مراگش ءِ ردا آئی ڈی پیز ءِ کمک ءُُ بحالی ءِ ھاترا 32 ارب 50 کروڑکلدار،سیکیورٹی ءِ تہ ودکی ءِ ھاترا 32ارب 50کروڑ کلدار، مزن وزیر ءِ یوتھ اسکل ڈویلپمنٹ پروگرامءِ ھاترا 10 ارب کلدار، ساپ ءُُ سرسبز پاکستان جنز ءُُ ٹوارزم ءِ ھاترا 2ارب کلدار،گیس انفراسٹرکچر ڈویلپمنٹ سیسءِ ھاترا یک ارب کلدار وھدیکہ 10سالی دیمروئی منصوبگ برائے ھوار بوتگیں دمگانی ھاترا 48ارب کلدار ایر کتگ ات۔اے وڈ ءَ مجموعی بنجاہی دیمروئی مراگش برائے 2019-20ءِ ھاترا 9کھرب 51ارب کلدار ایر کنگ بوتگ ات ایشی ءِ تہ25کھرب کلدار ءِ متبادل فنانسنگ ذرائع چہ بند ءُُ بوج کنگ بوتگ۔صوبگانی ھاترا سالینہ دیمروئی مراگش ءِ ردا 9کھرب 12 ارب کلدار ایر کنگ بوتگ ات۔صوبگانی سالینہ دیمروئی مراگش ءِ تہ یک کھرب 12 ارب 44 کروڑ 10 لکھ کلدار ءِ درملکی کمک ھم ھوار بیت۔ وزارت منصوبہ بندی دیمروئی ءُُ گہترکاریءَ سرکاری تک ءِ دیمروئی مراگش برائے 2019-20ءِ ھاترا چکاریں شؤرءُُ صلاح ءِ کار پیلو کتگ۔اے مراگش حکومت ءِ 12می پنچ سالی منصوبگ ءِ اقتصادی پالیسیءُُ حکمت عملی چہ ہم آھنگ جوڈ کنگ بوتگ۔ایشی ءِ تہ اقتصادی گہبودی، متوازن دمگی دیمروئی،چاگردی رکھگ ءِ تہ گہتری،غربت ءِ تہ کمی،ہاوسنگ،آپ ءِ وسیلگ ءَ گیشتری،توانائی ءُُ غذائی رکھگ،مسابقتی نالج اکانومی ءِ دیمروئی ٹراسپورٹ کوکاءِ تہ جدت ءُُ دراجیں دمگی رابطہ کاری ھوار انت۔راجی دیمروئی مراگش ءِ تہ اے دمگانی سرا ھاسیں دلگوشی دیگ بوھگ انت۔ ایشی ءِ ابید چین پاکستان اقتصادی راہداری منصوبگ ءِ سرا ھم سرجم دلگوشی ایر کنگ بوتگ ات ءُُ ایشی ءِ ردا منصوبگانی ھاترا فنڈز ایر کتگ ات۔ پاکستان ءَ را ساپ ءُُ سرسبز ملک جوڈ کنگ ءِ ھاترا ھاسیں فنڈز ایر کنگ بوتگ ات ءُُ موسمی بدلی ءِ اثرات ءِ تہ کمی ءِ ھاترا ٹین بلین ٹری سونامی مراگش ءِ ھاترا بز فنڈز پھجارگ بوتگ ات وھدیکہ ٹوارزم ءَ را ھم ھاسیں تک ءَ ھوار کنگ بوتگ ات۔فنڈز ءِ کارمرزی ءُُ منظور کتگیں منصوبگانی سرا وڈ ءُُ پیم ءِ ھوالہ چہ ایکٹو ءُُ سوگو ءِ نظام پدر کنگ بوتگ ات