اسلام آباد۔11جون(اے پی پی) سرکاری پڑءِ دیمروئی پروگرام (پی ایس ڈی پی) ءِ ردءَ آیوکیں مالی 2019-20ء ءِ فنانس ڈویژن ءِ بازیں دیمروئی منصوبہ جاتءِ ھاترءَ 36ارب 82کروڑ17لکھ 49 ہزار ءِ فنڈ ایرکنگ بوتگ۔ پی ایس ڈی پی ءِ ردءَ آیوکیں مالی سال ءَ فنانس ڈویژن ءِ چیردستی ءَ پیسرءَ چہ جاری 23منصوبہ آنی ھاترءَ 7 ارب 93کروڑ87 لکھ 72 ہزارکلدار وہدے کہ 14نوکیں منصوبہ آنی ھاترءَ 3 ارب 60 کروڑ90 لکھ کلدار ء ُ خیبر پختونخوا ءَ ضم بوتگیں قبائلی ضلع آں پنچ دیمروئی منصوبہ آنی ھاترءَ 25ارب 27کروڑ39لکھ77 ہزارکلدارءِ فنڈ ایر کنگ بوتگ اَنت۔ زانگ بہ بیت کہ فنانس ڈویژن ءِ چیر دستیءَ پیسرءَ چہ جاری منصوبہ جاتءَ 50کروڑ کلدارءِ درملکی کمک ہم ہوار وہدے کہ خیبرپختونخوا ءِ ضم کتگیں ضلع آنی دیمروئی منصوبہ جاتءِ ھاترءَ یک ارب 26کروڑ 96لکھ 90ہزار کلدار ءِ درملکی کمک ہوار اِنت۔
