اسلام آباد۔ 11جون (اے پی پی) پاک بحریہ نا سروک ایڈمرل ظفر محمود عباسی پارینے کہ پاکستان تون نہادی بحری وسیلہ ارے اوفتے کاریم اٹ اتسا ملکی معیشت ءِ سوگو کننگ مریک، پاک بحریہ ءِ چار جہت آتے ٹی اسہ ناقابل تسخیر فورس اس جوڑ کننگ کن کاریم کننگ اُن، سی پیک و گوادر بندرگاہ تون بے پناہ سمندری وسیلہ غاک گنڈوک ءُ ہرافتیان ننے من حیث القوم فائدہ ہرفنگ نا گرج ءِ۔ او سے شنبے نادے آ نیشنل ڈیفنس یونیورسٹی اسلام آباد اٹی کورس انا بشخ ہلوک و فیکلٹی باسک آتیان تران کریکہ۔ ترجمان پاک بحریہ نا رداٹ پاک بحریہ نا سروک پاکستان نیوی نا بابت تینا وژن و پاکستان نیوی نا جاری ڈٹ آتے سرجمی اٹ مون آ تخا۔ ایڈمرل ظفرمحمود عباسی پارے کہ پاک بحریہ پاکستان نا میری ٹائم سیکورٹی چیلنج آتون مون تننگ کن ہروخت تیار ءِ۔ اوپارے کہ وسیلہ غاتا دوئی کننگ و دنیا غا تینا بالادستی ءِ قائم کننگ کن ملک آتا نیام اٹ پوسکن ءُ صف بندی مننگ ءِ۔ امیر البحر کورس انا بشخ ہلوک آتے پارت کرے کہ او تینا آخبت نا حکمت عملی کن راہشونی اسلام و نظریہ پاکستان آن دوئی کیر۔ اوپارے کہ آفیسر آتے بایدے مرے کہ او تینا کسبی علم ءِ قرآن و سنت نا روشنی ٹی کاریم اٹ اتسا آخبت نا چیلنج آتا مقابلہ ءِ کیر۔
