اسلام آباد۔ 11جون (اے پی پی) صدر مملکت ڈاکٹر عارف علوی خارکمر اٹی دہشت گردی نا واقعہ ٹی شہید مروک آ فوجی آفیسر و کارندہ غاتا خاہوت آتون رابطہ کرسا دلی ہڑزخواہی کرینے۔ صدر مملکت 7 جون نا دہشت گردی نا واقعہ ٹی شہید مروک آ لیفٹیننٹ جنرل راشد کریم بیگ نا اُرائی و ایلم تون ٹیل فون آ رابطہ کرے و اوفتے تون ہڑزخواہی کرے۔ صدر مملکت میجر معیز مقصود شہید نا اُرائی تون ہم ہڑزخواہی کرے۔ اوکیپٹن عارف اللہ خان شہید نا باوہ شاہ دراز تون ہم گپ و تران کرے و اوڑتون ہڑزخواہی کرے۔ شاہ دراز صدر مملکت ءِ پارے کہ شہید آفیسر نا چناک ہم قوم اکن تینا جان ءِ ندر کننگ کن تیار ءُ۔ صدر مملکت عارف علوی لانس حوالدار ظہیر عباس شہید نا باوہ تون ہم دلی ہڑزخواہی کرے۔

متعلقہ مضامینمصنف کی طرف سے مزید