الس قومی دولت ءِ پلوک آتا برانز ءِ مسترد کیک
اسلام آباد۔ 11جون (اے پی پی) وزیراعظم نا خصوصی کمکار حوالکاری ڈاکٹر فردوس عاشق اعوان پارینے کہ کرپٹ ٹولہ الس نا برخلاف تحریک اس چلیفسا تینے رسوا کننگ کن بست و بند کننگ ءُ، قوم انا مال و دولت ءِ پلوک آتا برانز ءِ الس مسترد کیک۔ سے شنبے نادے آ تینا ٹویٹ اٹی ڈاکٹر فردوس عاشق اعوان پارے کہ سندھ اسکان محدود مروک آتا السی پنی مننگ صفر بٹا صفر ءِ، اوفتا سیاسی وجود نا اندازہ ءِ درو منہ درزن بندغ نا پیشن پیش تمنگ آن مس۔ اوپارے کہ تاریخ گواہ ءِ کہ (ن) لیگ مدام ایلوفتا کوپہ غا لگسا بسنے، دابیرہ سازش کننگ کیرہ، مزاحمت آخا۔ اوپارے کہ دا سچا مسورہ تو جمہوریت نا جاگہ غا دلیری اٹ تینا سچائی نا شاہدی ءِ تسرہ۔ اوفتے سزا اوفتا دُوآن ملانے۔ نیب اوفتا تینا جوڑ کروک و چیئرمین اوفتا تینا خلوک اوسے۔ پاناما پیپر آتے نن جاری کتویسن۔
