پشاور۔10 جون (اے پی پی)وزیراعلی خیبرپختونخوا ءِ ھاسیں کمکار برائے سائنس ءُُ ٹیکنالوجی ءُُ انفارمیشن ٹیکنالوجی کامران بنگش ءَ دوشمبے ءَ مزن وزیر پاکستان ءُُ پاکستان تحریک انصاف ءِ چیئرمین عمران خان ءَ فون کتگ ءُُ آئی ءَ گوں لوگبانک ءِ بیرانی سرا دلپدردی ءِ درشان کتگ۔مزن وزیر ءَ فون ءِ سرا گپ ءُُ تران کنان ءَ گوشت کہ کامران بنگش ءِ گوما لوگی ءِ بیرانی سرا جہلانکیں ڈکھ ءُُ اپسوز ءِ درشان کتگ۔اے گرانیں وھد ءَ کامران بنگش ءِ گوما بروبربءِ شریدار انت۔مزن وزیر ءَ ھدامرزی ءِ بکشش ءِ ھاترا فاتحہ ءُُ ملوریں ھاندان ءِ صبر ءِ ھاترا دعا کتگ۔مزن وزیر ءَ کامران بنگش ءَ را سدکی دات کہ آں زوت پشاور ءَ کائینت۔دومی نیمگا سپیکر صوبائی اسمبلی مشتاق احمد غنی،ڈپٹی سپیکر محمود جان،صوبائی وزراء حاجی قلندر خان لودھی،ڈاکٹر امجد علی اور شکیل احمد،وزیراعلی ءِ ھاسیں کمکار عبد الکریم،ایم این ایز حاجی شوکت علی ءُُ نور عالم خان،ایم پی ایز آصف خان،میاں جمشید الدین کاکاخیل،خوشدل خان،افتخار مشوانی،تاج محمد ترند،ظاہر شاہ طورو،ارباب جہانداد ءُُ پیر فدا،سیکریٹری صحت فاروق جمیل،ڈپٹی کمشنر پشاور علی اصغر،عوامی نیشنل پارٹی ءِ راھشون غلام احمد بلور،پیپلزپارٹیءِ راھشون ملک طہماشءِ ھوار لہتیں سیاسی گلانی راھشون ءَ مزنیں کچ ءَ کامران بنگش ءِ گوما لوگی ءِ بیرانی سرا فاتحہ ونتگ ءُُ دلپدردی ءِ درشان کتگ۔
