کراچی۔ 10جون (اے پی پی) گورنر سندھ عمران اسماعیل ءِ گوما مالدیپ ءِ وزیر برائے جینڈر، فیملی اینڈ سوشل سروسز Shareef Shidhadha ءَ وتی پنچ باسکی ڈل ءِ ھمبراہی ءَ گورنر ہاوس ءِ تہ گند ءُُ نند کتگ۔دوشمبے ءَ جاڑی بیان ءِ تہ پاک مالدیپ سیادی،بیئپار،ڈل ءِ مٹ ءُُ سٹ،باندات ءِ چیلنجزءَ گوں دیم دیگ ءِ ھاترا یکجاھیں جدوجہدءُُ کمک ءَ چہ دودیمی اُلس ءَ را گیش نزیک آرگ ءِ ھوار دگہ معاملہانی سرا سرجمیں ھیال ریچی کتگ۔اے درگت ءَ گورنر سندھ ءَ گوشت کہ استیں حکومت ءَ مہلوک ءِ جان سلامتی ءِ گہتریں آسراتی پھجارگ ءِ ھاترا ہیلتھ کارڈ ءِ اجراء کتگ انت،ہیلتھ کارڈ ءِ وسیلگ ءَ 7لکھ کلدار ءَ چہ گیش ءِ طبی آسراتی پھجارگ بیت۔ایشی ءِ ھوار روزگار، تعلیم، صحت ءُُ دگہ بنیاتی آسراتی ءِ پھجارگ ءَ را سدکی جوڈ کنگ ءِ ھاترا احساس مراگش بناء کتگ۔آہاں گوشت کہ پاکستان یک ایگریکلچرل ملک انت،مالدیپ وتی اسلامی ملک پاکستان چہ چیزاں ھاسکر حلال میڈیسن لوٹارینت سرجمیں کمک کنگ بیت۔بیئپار،فارما سوٹیکل، سیمنٹ، فرنیچر، برنج، پھل ءُُ سبزیانی مالدیپ ءِ تہ باز ڈیمانڈ انت۔واھشت انت کہ مالدیپ اے چیزاں مئے چہ زورایت۔آہاں گوشت کہ مالدیپ پاکستان ءِ گوما کوھنیں سیادی انت اے سیادی ءَ را گیش مھکم،سوگو کنگ بیت۔گند ءُُ نند ءِ تہ مالدیپ ءِ وزیر برائے جینڈر،فیملی اینڈ سوشل سروسز Shidhadha Shareef ءَ گورنرسندھ ءَ را وتی وزارت ءِ تہ مہلوک ءِ ھوالہ چہ چست کتگیں گامگیج ءُُ ایشی ءِ مہلوک ءِ سرا کپتگیں تب ءَ چہ سرجمیں وڈ ءَ سرپد کتگ۔(ن۔ا۔ج)
