اسلام آباد۔ 10 جون (اے پی پی) خطہ ءِ تہ امن ءُُ ایمنی ءِ ھوالہ چہ پاک اوگان گپ ءُُ گالوارءِ ھاترا اوگانی ڈل دری کارانی کارگس ءِ تروتاب کتگ اودا سیکرٹری دری کارگس سہیل محمود ءَ اوگانی ڈل ءَ را وش اتک کتگ۔پاکستان ءُُ افغانستان ءِ میان ءَ امن ءُُ ایمنی ءِ حکمت عملی (اے پی اے پی پی ایس) ءِ اولی چار ءُُ تپاسی دیوان ھم برجم دارگ بوتگ۔دیوان ءِ تہ دری کارگس ءِ سیکریڑی جناب سہیل محمود پاکستانی وھدیکہ افغانی نائب وزیر خارجہ جناب ادریس زمان ءَ افغانستان ءِ جھگیری کتگ۔ پاکستان ءُُ افغانستانءِ میان ءَ مئی2018ءِ تہ’اے پی اے پی پی ایس‘ ہڈ دیگ بوتگ ات۔ایشی ءِ مکسد دوئیں ملکانی میان ءَ لہتیں تک ءَ جامع ءُُ ادارہ جاتی،فریم ورک ءِ نظم ءِ تہ دودیمی کمک ءَ راپراھی دیگ ات۔اے گپ ءُُ گالوارءِ تہ سیاسی ءُُ سفارتی،دفاعی تبک ءِ سرا کمک،انٹیلی جنس کمک،معیشت ءُُ مہاجرین ءِ ھوالہ چہ ھیال ریچی کنگ بوھگ انت۔فریقاں خطہ ءِ تہ امن ءِ برجاہی ءِ ھاترا وت مہ وتی کمک ءُُ اعتماد ساچی ءِ پراھی ءِ ھاترا ھوار بوان ءَ کوشست کنگ ءِ سرا تپاک کتگ۔اے دیوان ءِ تہ دوئیں ملکانی میان ءَ طے بیوکیں معاملہانی سرا،تنیگہ بوتگیں دیمروئی ءِ جائزگ ھم گپتگ،فریقاں دودیمی کمک ءَ را گیش مھکم کنگ ءِ سرا تپاک کتگ۔
