بیا اِت ما درست وتی زھگ آناں ھما آیوکیں باندات ءَ بدیاں ھمائی ءِ کہ آ ھکدار انتم بنجاھی حکومت ملک ءِ وردن ءُُ وراکی ایجنڈا آناں ترجی دنت ءُُ صوبگ آنی گوما ھواریں ءَ وردن ءُ وراکی پڑ ءَ جوانیں گامگیج چست کنت
اسلام آباد۔ 10 جون (اے پی پی) مزن وزیر ءِ ھاسیں کمکار برائے جان سلامتی ڈاکٹر ظفر مرزا ءَ گوشت کہ اے وھد ءَ مئے کرّا بنیاتی معلومات است انت، بیا ات مئے کراّ وتی چُک آناں ھما آیوکیں باندات ءَ بدیت ھمائی کہ آ ھک دار انت۔ بنجاھی حکومت ملک ءِ وردنی وراکی ایجنڈا آناں ترجی دنت ءُُ آ صوبگ آنی گوما ھواری ءَ مالومداری آنی رد ءَ وردن ءُُ وراکی شوبگ ءَ جوانیں گامگیج چست کنت، اے گپ آئی ءَ راجی وردن ءُُ وراکی سروے 2018ءِ مزن تکی مراگش ءَ گوں گشتانک دیان ءَ کت۔ آئی ءَ گوشت کہ مزن وزیر عمران خان راجی وردن ءُُ وراکی سروے ءِ آسرآں گوں واھشت دارگ ءَ انت چیا کہ استیں حکومت پاکستان ءَ ھاسیں رنگ ءَ زالبول ءُُ زھگ آناں وردن ءُُ وراک ءِ وڑیں ٹوھیں جیڈھ آنی گیواری ءِ واستہ جزمیگ انت، بل ات کہ ایش گرانیں کار ات، بلے ما دل یکیمی دیاں کہ ما وتی زھگ آناں شدیکی ءَ چہ پھریزاں۔ آئی ءَ اے موہ ءِ سر ءَ استیں حکومت ءِ اے جزم ءِ درشان کت کہ پاکستان ءَ ھاسیں رنگ ءَ زھگ ءُُ زالبول شدیک ءُُ ھرابیں وردن ءُُ وراک ءِ وڑیں ٹوھیں جیڈھ آں گوں دیم پہ دیم انت ایشاں گیوار کنگ بیت۔ ڈاکٹر ظفر مرزا ءَ گوشت کہ نیشنل ینوٹریشن سروے ءِ رد ءَ پاکستان ءَ 5سال ءِ تاں 40درسد زھگ (Stunting)ءِ آماچ انت ملک ءَ 28درسد زھگ کم وزن ءِ نادُراھی ءِ آماچ انت۔ سروے رپوٹ ءِ رد ءَ اے سروے ءَ زالبول، زھگ، ورنا آنی وردن ءُُ وراک ءِ ھوالگ ءَ مالوم داری مچ کنگ بوت ایشی ءِ تہ ءَ وردن ءِ نہ بوھگ ءِ جیڈھ ءِ ھوالگ ءَ مالوم داری ھوار انت۔ ملک گیرنیوٹریشن سروے گڈی رند ءَ پاکستان ءَ 2011ءَ بوتگ۔ 2019-20 ءِ نیشنل نیوٹریشن سروے میاں اوستمانی ادارگ ڈی ایف آئی ڈی کے ءِ مالی ءُُ یونیسف ءِ تکنیکی کمک ءَ گوں سرجم کنگ بوت۔ وزارت جان سلامتی ءِ نیوٹریشن ونگ ءَ صوبائی حکومت آنی کمک ءَ چہ اے سروے ءَ را ضلعی تک ءَ نگرانی کتگ۔
