ملک اٹ ہندن ءُ مالی حالیت اسے کہ ہر بشخ اٹ چندر کروئی تمک، چندر انا چرجوئی ٹی بڑزکو کہول آمثل اس قائم کننگ نا گرج ءِ
وزیراعظم عمران خان نا پنجاب نا بجٹ نا بابت حوال اٹی گپ و تران
صوبائی بجٹ اٹی راجی بشخ، کشت وکشار و صنعت کن زیات زَر تخنگ، انسانی شونداری و علاقائی بریبری آ چکار کننگانے
اسلام آباد۔ 10 جون (اے پی پی) وزیراعظم عمران خان پارینے کہ ملک اٹ ہند ن ءُ حالیت اسے کہ ہر بشخ اٹ چندر کروئی تمک و دا چرجوئی ٹی بڑزکو مثل اس قائم کننگ نا گرج ءِ۔ داخیال آتا درشانی ءِ او دوشنبے نادے آ وزیراعظم آفس اٹی پنجاب نا سالانہ بجٹ 2019-20 ء نا بابت حوال اٹی کرے۔ حوال اٹی وزیراعلیٰ پنجاب سردار عثمان بزدار، بنجائی وزیر ڈٹ بندی مخدوم خسرو بختیار، وزیراعظم نا سلاہکار واپار عبدالرزاق داؤد، پنجاب نا وزیر خزانہ مخدوم ہاشم جواں بخت، سیکرٹری خزانہ، پنجاب نا چیف سیکرٹری، گورنر اسٹیٹ بینک، چیئرمین ایف بی آر و ایلو بڑزکو آفیسر آک ساڑی ئسر۔ حوال اٹی وزیراعظم ءِ پاننگانے کہ پنجاب نا بجٹ پاکستان تحریک انصاف نا منشور نا رداٹ مریک ہراٹی راجی بشخ، کشت وکشار و صنعت کن زیات زر تخنگ تون اوار اوار انسانی شونداری و علاقائی بریبری آ چکار کننگانے۔ حوال اٹی پاننگانے کہ شونداری ڈٹ آتے ٹی سرکاری و نجی شراکت ءِ مون آ دننگ آ خصوصی دیان تننگانے۔
