گوادر ، تربت ہوشاب 200کلو میٹر موٹروے سیکشن، 892کلو میٹر رتو ڈیرو بشمول خضدار، شہداد کوٹ رتو ڈیرو ئِ ھاتر ئَ 5ارب کلدار ایر

اسلام آباد۔ 10 جون (اے پی پی) پاکستان تحریک انصاف (پی ٹی آئی) نا حکومت (اینو) سے شنبے نادے آ تینا اولیکو باضابطہ بجٹ ءِ پیش کیک۔ قومی اسمبلی ٹی پیش کروک آ بروک آ مالی سال 2019-20 ء نا بجٹ نا حجم کم و ود 6500 ارب روپئی اسکان گمانی ءِ ہراٹی خراج وصولی تا ہدف 5500 ارب روپئی تخنگانے۔ بروک آ مالی سال 2019-20 ء کن شونداری بجٹ نا کچ 1837 ارب روپئی وخت اس کہ بنجانارداٹ سرکاری بشخ انا شونداری پروگرام نا رداٹ 925 ارب روپئی جتا کننگک۔ حکومت جان جوڑی نا بشخ انا شونداری کن سگریٹ و شربت آتیا خراج خلنگ نا سلاہ غاہم سجفنگ ءِ سگریٹ و شربت آتیا خلوک خراج آک جان جوڑی نا بشخ اٹی خڑچ کننگرہ۔ وزیراعظم عمران خان وزارت خزانہ ءِ الس دوست بجٹ اسے نا تیاری نا پرمان کرینے تانکہ لس بندغ ءِ ریلیف تننگ مرے۔ بروک آ مالی سال 2019-20 ء نا بجٹ اٹی مالیاتی نظم و نسق، ریونیو ءِ ودفنگ، پائیدار اقتصادی شرح نمو، غیر شونداری خڑچ آتے ٹی کمتی، برآمد آتا مون آ دننگ، لس بندغ ءِ آسراتی و راجی آسراتی، روزگار نا پوسکن ءُ وارخواہی ودی کننگ کن زرکاری ءِ مون آ دننگ تون اوار اوار ملک انا راجی و اقتصادی شونداری آ خصوصی چکار کننگانے۔ بروک آ مالی سال نا بنجائی بجٹ اٹی راجی بشخ انا رداٹ راج انا غٹ آن زیات زہمی مروک آ تپہ غاتے کن بجٹ اٹی خاطر خواہ ودکی ہم کننگک۔ یات سلے کہ صدر مملکت بجٹ سیشن نا بابت قومی اسمبلی نا دیوان ءِ (دوشنبے)نادے آ 10 جون 2019 ء آ بٹنگاسس و (اینو) سے شنبے نادے آ 11جون 2019ء آ پی ٹی آئی نا حکومت تینا اولیکو باضابطہ بجٹ ءِ قومی اسمبلی ٹی پیش کیک۔

متعلقہ مضامینمصنف کی طرف سے مزید