اسلام آباد۔ 09جون (اے پی پی) مزن وزیر ءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان ءَ قائد حزب احتلاف شہباز شریف ءِ سرا کچہ چینی کنان ءَ لوٹ کت کہ آں راج ءِ دیما دلیری ءُُ اخلاقیات ءِ درشان ءَ کن انت ءُُ وتی ھلاپ ءَ کیسان دیم ءَ دنت،اپوزیشن ءَ را پارلیمنٹ ءِ تہ زمہ واری ءِ درشان کنگ ءِ ضلورت انت۔یک شمبے ءَ یک جندی ٹی وی ءِ گوما گپ ءُُ تران کنان ءَ آہاں گوشت کہ اپوزیشن ءَ را پارلیمان ءِ تہ زمہ واری ءِ درشان کنگ ءِ ضلورت انت پرچا کہ پارلیمنٹ ہی راج ءِ جیڈھانی ھلاسی ءِ ھاترا شریں جاھ انت۔ مسلم لیگ (ن)ءِ راھشونءِ سرا کچہ چینی کنان ءَ ڈاکٹر فردوس عاشق اعوانءَ گوشت کہ گراں بہائی ءِ تہ انوگیں ودکی پیسریگیں وھد ءِ کرپشن ءُُ بیڈ گورننس ءِ آسر انت۔آہاں گوشت کہ پاکستان ءِ 70سالہ راج دپتر ءِ تہ اولی رند ءَ کرپٹیں ءُُ تاگت ور مردماں را انصاپ ءِ کٹہڑہ ءِ تہ اوشتاتگ انت۔ھاسیں کمکار ءَ مسلم لیگ (ن) ءِ راھشون ءَ چہ لوٹ کرتگ کہ آں لٹ ءُُ پُل کتگیں دولت ءَ واتر بیارانت پرچہ کہ اے راجی مڈی انت۔آہاں گوشت کہ لٹ ءُُ پُل کتگیں مڈی ءِ وتن ءَ واتری چہ گراں بہائی ءَ کمی کائیت۔
