اسلام آباد۔9جون (اے پی پی) پاکستان تحریک انصاف (پی ٹی آئی) ءِ بنجاہی حکومت مالی سال ءِ معاشی کارکردگی ءِ ھوالہ چہ اقتصادی چارءُ تپاسی رپورٹ2018-19دوشمبے ءَ جاڑی کن ایت وھدیکہ آوکیں مالی سال 2019-20ءِ بنجاہی بجٹ 11جون ءَ راجی اسمبلی ءَ پیش کنگ بیت۔اقتصادی جائزگ رپورٹءِ اجراء ہمک سال بجٹ ءَ چہ پیشءَ کنگ بوھگ انت۔ایشی ءَ چہ راجی معیشت ءِ کارکردگی ءِ تفصیلی رپورٹ پیش کنگ بوھگ انت۔اکنامک سروے رپورٹ ءِ تہ معیشت ءِ لہتیں تک آنی کارکردگی ءُُ معاشی ٹارگٹ ءِ زورگءِ ھوار معاشی سوبمندی ءِ سرا ھم روژنی مان کنگ بیت۔مزن وزیر عمران خان ءِ سروکی ءَ پی ٹی آئی حکومت سئے شمبے ءَ بنجاہی بجٹ راجی اسمبلی ءَ پیش کن ایت ایشی ءَ چاگردی تک ءِ دیمروئی ءِ ھوار معیشت ءِ دگہ تکانی شرح نمو ءِ گیشتری ءُُ ملک چہ جیڈھانی گیش ءُُ گیواری ءِ ھاترا گامگیج تجویز کنگ بنت۔مزن وزیر ءِ سلاحکار برائے ھزانگ حفیظ شیخ ءَ بنجاہی بجٹ ءِ ھوالہ گوشت کہ اے بجٹ گریب دوستیں بجٹ ءِ بیت ءُُ ملکی معیشتءِ سوگو ءِ دیمروئی حکومت ءِ اولی دلگوشی بیت۔
