اسلام آباد۔ 8 جون (اے پی پی) مزن وزیر عمران خان ءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان ءِ وکیلانی نیمگا چہ باسک بنجاہی اسمبلی راناثناء اللہ ءَ را 2ارب کلدار ءِ نوٹس دیم داتگ۔، لیگل نوٹس 26 مئی ءَ ھاسیں کمکار برائے ھالرسانی ءِ ھوالہ چہ بے بنیں ءُُ دروگیں بیانانی سرا دیم دیگ بوتگ۔نوٹس ءِ تہ گوشگ بوتگ کہ فردوس عاشق اعوان سرجمیں دگنیا ءَ یک قابل ءُُ ایمانداریں سیاستدان ءِ بستار ءَ پجارگ بوھگ انت ءُُ آں دھ سالءِ تاں بنجاہی اسمبلی ءُُ پنچ لہتیں وزارتانی وزیر ءِ اگدھ ءَ نشتگ ات ءُُ اے وھد ءَ آں مزن وزیر ءِ ھاسیں کمکار ءِ وڈ ءَ وتی زمہ واری ءَ سمبھالگ ات۔ایشانی 20 سالہ اُلسی ہزمت انت ءُُ ایشانی سیادی یک شرپ داریں گس ءَ گوں انت۔نوٹس ءَ گوشگ بوتگ کہ رانا ثناء اللہ ءَ میڈیا ءَ گوں گپ ءُُ تران کنان ءَ مئے موکلہ ءِ سرا بے بنیں ءُُ دروگیں بہتام جتگ ات اے بہتام ءَ چہ ایشی ءِ شرپ ءَ را تاوان رستگ انت۔ لیگل نوٹسءِ وڈ ءَ رانا ثناء اللہ ءَ را حال دیگ بوتگ کہ آں بہتام ءِ تردید ءَ کن انت ءُُ پہلی ءَ لوٹ انت،تردید ءُُ پہلی ءَ را ہمہ رنگ ءَ شنگ کنگ بیت کہ ہمہ وڈ ءَ کہ دروگیں بہتام شنگ کنگ بوتگ ات، رانا ثناء اللہ پہلی ءَ گوں 2ارب کلدار ءِ ہرجانہ ءَ ادا ھم کن انت،دروگیں حال ءِ سرا پہلی،ءُُ ہرجانہ 14روچ ءِ تہ ادا کنگ بنت،اگہ اے دوئیں گام چست کنگ مہ بنت تو ڈیفیمیشن ایکٹ 2002ء ءِ شق 8 ءِ رداڈاکٹر فردوس عاشق اعوانءِ وکیل کانودی راھ ءِ حق ءَ کامرز کن انت۔
