اسلام آباد۔ 8 جون (اے پی پی)بنجاہی وزیر برائے دفاع پرویز خٹک ءَ گوشت کہ پاکستان ءِ دفاع سوگوءِ دستاں انت ءُُ سلاھ بندیں اُردو ماتیں وتن ءِ رکھگ ءُ دیمپانی ءِ ھاترا ہچ وڈیں قربانی دیگ ءَ پہ ساجو انت۔اے ھیالانی درشان آہاں نوشھرہ ءِ تہ لہتیں ڈل ءَ گوں گپ ءُُ تران کنان ءَ کتگ انت۔آہاں گوشت کہ پیسریگیں فاٹا ءِ مردمانی خٰبرپختونخوا ءِ تہ انضمام ءِ پدا آہانی حق رستگ انت ءُُ نوں اے دمگانی مردم ملک ءِ دیمروئی ءُُ وشھالی ءِ تہ گیش گہتر ءُُ فعال کرد ادا کت کن انت۔آہاں گوشت کہ حکومت ملکی معیشت ءَ را مھکم کنگ ءُ پاکستان ءَ را دیم چیلنجاں چہ آزات کنگ ءِ ھاترا گرانیں پیسلہ ءَ کنگ انت۔وزیر دفاعءَ گوشت کہ راجی اسمبلی ءِ دیوان زوت لوٹارینگ بیت ایشی ءِ تہ تحریک انصاف ءِ حکومت ءِ آوکیں مالی سال ءِ ھاترا وتی اولی بجٹ پیش کن ایت۔
