بلوچستانءَ آپ ءِ کمی ءَ را پورہ کنگءِ ھاترءَ کسانیں ڈیم جوڑ کنگ باز المی اِنت، صدر ڈاکٹر عارف علوی

اسلام آباد ۔ 7جون (اے پی پی ) ملک ءِ صدر ڈاکٹر عارف علوی ءَ گشت کہ بلوچستانءَ آپ ءِ کمی ءَ را پورہ کنگءِ ھاترءَ کسانیں ڈیم جوڑ کنگ باز المی اِنت ۔ جمعہءِ روچءَ صدرءَ حب ءِ ترء ُ تاب کتگ کہ اے ترء ُتابءِ مول مراد بلوچستان اسمبلی ءِ اسپیکر میر عبدالقدوس بزنجو ءِ پت ءِ بیران بوہگءَ آئیءِ لوگءَ پہ پُرس ءَ رءوگ بوتگ ۔ بلوچستان اسمبلی ءِ اسپیکر ءِ لوگءَ حال درءَ گوں گپ ء ُ تران کتگ ء ُ آئیءَ گشتگ کہ بلوچستانءَ آپ ءِ کمی ءَ را پورہ کنگءِ ھاترءَ کسانیں ڈیم جوڑ کنگ باز المی اِنت ۔ ڈاکٹر عارف علوی ءَ بلوچستان اسمبلی ءِ اسپیکر ءَ گوں آئیءِ پت ءِ بیرانی ءِ اپسوز کتگء ُ فاتحہ ونتگ ۔ آئیءَ حُدا مُرزی ءِ مغفرت ء ُ مزنیں درجگانی دعا کتگء ُ پہ پشپدءَ سگء ُاوپار ءِ دعا کتگ ۔