اسلام آباد ۔ 7جون (اے پی پی) محکمہ موسمیات ءِ گشگءِ ردءَ آیوکیں 24کلاکاں ملک ءِ بازیں ہندء ُ دمگاں موسم گرمء ُ ہشک ، جنوبی پنجاپ ، رودراتکی بلوچستان ء ُ صوبہ سندھ ءَ موسم سک گرم بیت وہدے کہ مالاکنڈ، ہزارہ، کوہاٹ ، پشاور ڈویژن، گلگت بلتستان ء ُ کشمیر ءَ لھتیں ہندء ُ دمگاں گرندء ُ گروکاں گوں ہورءِ امکان اِنت ۔ مالاکنڈ ڈویژن ءَ لھتیں ہندء ُ دمگاں گرندء ُ گروکاں گوں ہور بوتگ ۔ درساں چہ گیش ہور مالم جبہ ء َ 9ملی میٹر، دیر ء ُ سیدو شریف ءَ 2ملی میٹر ہور ریکارڈ کنگ بوتگ ۔ جمعہءِ روچءَ ملک ءِ گرم تریں ہندء ُ دمگانی ریکارڈ کوتگیں درجہ حرارت ءِ رپورٹ ءِ ردءَ جیکب آباد ء ُ مٹھی ءَ 48ڈگری سینٹی گریڈ، پڈعیدن، دادو، سکرنڈ، موہنجوداڑو، سکھر، روہڑی، سبیء ُ تربتءَ 47ڈگری سینٹی گریڈ ریکارڈ کنگ بوتگ ۔
