اسلام آباد ۔ 6جون (اے پی پی) مزن وزیرءِ حاسیں کمک کار ڈاکٹر فر دوس عاشق اعوان ءَ گشتگ کہ کانود شہباز شریف ءِ آیگ ءِ وداریگ اِنت، اُمیت اِنت کہ آ وتی بچ ء ُ وتی زماتءَ ہم وتی ہمراہی کاریت گوں ، مریم صفدر وتی پتءَ چہ ملک ءَ گیش دوست بہ داریت ۔ پنچ شمبے ءِ روچءَ وتی ٹویٹ ءَ آئی ءَ گشتگ کہ آئین ء ُ کانود ءَ مریم صفدر ءِ پتءَ را کہ سزا دیءگ بوتگ آ بہ من ایت ۔ آئیءَ گشتگ کہ پانامہ ءَ ہرچی گشگ بوتگ آ درس راجءِ دیما اَنت، آئیءَ شہباز شریفءَ را گشتگ کہ کانود تئی آیگءِ وداریگ اِنت ۔ اُمیت اِنت کہ تو وتی بچ ء ُ وتی زماتءَ ہمراہی ءَ کارے گوں ۔
