سیالکوٹ ۔ 6جون (اے پی پی) مزن وزیرءِ حاسیں کمک کار ڈاکٹر فردوس عاشق اعوان ءَ گشتگ کہ راج ءَ را مزن وزیر عمران خانءِ سرءَ بھروسہ اِنت، پاک فوجءِ قربانی آنی برکت مرچی پاکستان محکم اِنت، آرمی چیف جنرل قمر جاوید باجوہ ءَ پاکستان ءِ معیشت ءَ را محکم کنگءِ ھاترءَ مزن وزیر عمران خان ءَ گوں ہم کوپگ بوتگ ء ُ وتی بجٹ ءِ تہءَ کمی کنگءِ جار جتگ ۔ ڈسکہ ءَ ائید وشی گند ء ُ نندی دعوتءَ گوں تران کنانءَ آئیءَ گشتگ کہ پاکستان تحریک ا نصاف یک حاندانے ءِ وڑءَ اِنت ء ُ من مزن وزیر عمران خانءِ پنتء ُ شونءِ سرءَ شمے گوما گندء ُ نندکنگءَ آتکگ اَں ء ُ شمارا حال دیءگ لوٹاں کہ ہما مردماں کہ 70سالاں کانودءَ را وتی بندی کتگء ُ معیشت ءَ را نیزور کتگ آ نوں وت کانودءِ منوک بوہگءَ اَنت، نوکیں پاکستان ءَ مریم ءِ پت ء ُ لھس مجرم ءَ را یک وڑیں آسراتی دیءگ بوہگ ءَ اِنت، آئی ءِ پتءَ اُلسءِ نامءَ 31ہزار ارب ڈالرءِ وام زُرتگ ، مریم ءِ پت ءِ جوڑ کتگیں پالیسی آں چہ ڈسکہ ءِ ایکسپورٹ گوستگیں 10سالاں ایچ نہ بوتگ، ما ایکسپورٹءَ گیش کناں ۔ آئیءَ گشت کہ ڈان لیکس والاء َ ٹویٹ کتگ کہ پاکستان ءِ سلامتی ءَ را ہترا اِنت ۔ پاکستان ہما وہدءَ ہتراءَ بوتگ کہ وہدے مردماں راز بہا کتگ اَنت، منی لانڈرنگ کتگ، لندنءَ مالء ُ مڈی جوڑ کتگ، پُلگ ء ُ ورگ بوتگ، مریم ءِ پت لُٹء ُ وررءَ چہ بندی جاہءَ اِنت ء ُ آئیء ِ برات ڈنی ملک ءَ اَنت ۔ آئی ءَ گشتگ کہ اسلام ءِ گوں ناشرکاراں گوں ایچ سیادی نیست، مارا ناشرکاری ءِ سبب درگیجگ لوٹیت، آیاں کدی ہم کلبھوشن ءِ نام نہ گپتگ، اے یک مزنیں جست اِت ، مارا اے جست ءِ پسو درگیجگی اِنت ۔
