اسلام آباد ۔ 5جون (اے پی پی) مزن وزیرءِ حاسیں کار ڈاکٹر فردوس عاشق اعوان ءَ اُلسءَ را ائیدءِ وشیانی مراد باتی داتگ ۔ آئیءَ راجءِ نامءَ وتی حاسیں کلوہءَ گشتگ کہ ائید راستیءَ وشیانی بھرء ُبانگ کنگءِ نام اِنت پہ ہمے حاترءَ مارا ائیدءِ وشیانی موہءَ مسکین ء ُ نیزگاریں مردم یات دارگی اَنت ۔ حاسیں کمک کارءَ گشتگ کہ نیزگارء ُ مسکین مے کسانیں کمک ءَ چہ ہم وتی ائیدءِ وشیاں گوازینت کناں ، آئیءَ گشتگ کہ مارا ائیدءِ موہءَ شہید ء ُ آیانی حاندان ہم یات دارگی اَنت کہ آیاں پہ ملک ءِ امنء ُ ایمنی ء ُ مے زندانی رکھینگءِ ھاترءَ وتی جان ندر کتگ اَنت ۔ ڈاکٹر فردوس عاشق اعوان ءَ وتی کلوہ ءَ گشتگ کہ درملکی پاکستانی آں ہم ائید مراد بات ۔
