یک سپاھیگ ءِ ئے واستہ گوانیں ائید ھما انت کہ آ ماتیں وطن ءِ دیمپانی ءِ پرز ءَ پیلو کنگ ءَ بہ گوازین ایت،
ھمک سالی دیمپانی بجٹ ءَ گیشی ءِ نہ زورگ ءِ پیسلہ ، راج ءِ سر ءَ احسان ءِ نہ ات، ما ھمک سکیں ساھت ءَ یک ءِ دومیگ ءِ گوما ھمکوپگ آں ، جنرل قمر جاوید باجوہ
اسلام آباد ۔ 5 جون (اے پی پی) پاک ارد ءِ سروک جنرل قمر جاوید باجوہ ءَ کسانیں ائین لائن آف کنٹرول ءِ اُدی ورنا آں گوں گوازینت ۔ پاک اُرد ءِ محکمہ آئی ایس پی آر ءِ نیمگ ءَ جاڑی بوتگیں بیان ءِ رد ءَ سرڈگاری اُرد ءِ سروک جنرل قمر جاوید باجوہ ءَ ائید ءِ نماز اُردی مورچہ آنی تہ ءَ ونت ۔ اے موہ ءِ سر ءَ ملکی ایمنی، دیمروئی ءُُ وشھالی ءِ واستہ ھاسیں دعا ءُُ نیک کنگ بوت ۔ پاک اُرد ءِ سروک ءَ ورنا آں گوں تران کنان ءَ گوشت کہ یک سپاھیگ ءِ ئے واستہ جوانیں ائید ھما انت کہ آ ماتیں وطن ءِ دیمپانی ءِ پرز ءَ پیلو کنگ ءَ بہ گوازین ایت ءُُ ایش یک سپاھیگ ءِ ئے واستہ لاءک ءِ توسیپ انت ۔ آئی ءَ ورنا آناں گوشت کہ آ یات بکن ات کہ پاکستان ءِ پاسپان بوھگ ءِ بستار ءَ مئے اولی ھاندان پاکستانی راج ءُُ ایشی ءَ چہ پد مئے گس ءِ مردم انت ۔ پاک اُرد ءِ سروک ءَ پاک اُرد ءِ نیمگ ءَ ھمک سالی دیمپانی بجٹ ءَ گیشی ءِ نہ زورگ ءِ ءِ پیسلہ ، راج ءِ سر ءَ احسان ءِ نہ ات، ماھمک سکیں ساھت ءَ یک ءِ دومیگ ءِ گوما ھمکوپگ آں ۔ آئی ءَ گوشت کہ بجٹ ءِ کٹ کنگ ءَ چہ سپاھیگ آنی زندمانی کد ءُُ بالاد ءِ تہ ءَ اچ اسر نہ بیت ءُُ ناں کہ کجام ھم رنگے بیم ءَ گوں دست پنجگ بوھگ ءَ مئے ازم آماچ بوت کنت ۔ پگار ءِ تہ ءَ گیشی ءِ پیسلہ ایوک ءَ اپسرگ آنی واستہ انت ۔ سپاھیگ آنی واستہ نہ انت ۔ ایشی ءَ ابید پاک اُرد ءِ محکمہ آئی ایس پی آر ءِ ڈائریکٹر جنرل میجر جنرل آصف غفور ءَ وتی ٹویٹ ءَ گوشت کہ آیوکیں دیمپانی بجٹ ءَ وت واھگی رنگ ءَ گیشی ءِ نہ زورگ ءِ پیسلہ ملکی دیمپانی ءُُ سلامتی آماچ نہ بیت، سئیں سلاھ بندیں ارد اے کمی ءَ را جوانیں رنگ ءَ اندری گامگیج آں چہ سرجم کن انت، اے پیسلہ قبائلی دمگ ءُُ بلوچستان ءَ دیمروئی ءِ کار ءِ تہ ءَ شریکداری ءِ واستہ ارزشتی انت ۔
