صدر مملکت ڈاکٹر عارف علوی ءَ گوں چیئرمین جوائنٹ چیفس آف سٹاف کمیٹی جنرل زبیر محمود حیات ءُُ چیف آف ائیر سٹاف ائیر چیف مارشل مجاہد انور خان ءِ گند ءُُ نند بھارتی ہائی کمشنر اجے بساریہ ءَ ھم صدر ءِ مملکت ءَ گوں گند ءُُ نند، ائید ءُُ مبارکی کت

اسلام آباد ۔ 5 جون (اے پی پی) صدر مملکت ڈاکٹر عارف علوی ءَ گوں چیئرمین جوائنٹ چیفس آف سٹاف کمیٹی جنرل زبیر محمود حیات ءُُ چیف آف ائیر سٹاف ائیر چیف مارشل مجاہد انور خان ءَ گند ءُُ نند کت ۔ چیئرمین جوائنٹ چیفس آف سٹاف کمیٹی ءُُ چیف آف ایئر سٹاف ءَ صدر مملکت ءَ گوں ائید ءُُ مبارکی کت ۔ صدر ءَ ناشرکار آنی ھلاپ ءَ جنگ ءَ سلاھ بندیں ارد ءِ کربانی آناں ساڑات ۔ صدر ءِ مملکت ءَ ملک ءِ سیم سرآنی پاسبان آناں ائید ءُُ مبارکی دات ۔ کسانیں ائید ءِ موہ ءَ صدر ءِ مملکت ڈاکٹر عارف علوی ءَ بنجاھی وزیر ، پارلیمان ءِ باسک ءُُ جتا جتائیں ملک آنی سفیر ءُُ سول سوساءٹی ءِ نماھندگ آں گوں گند ءُُ نند کت ۔ صدر ءِ مملکت ءُُ مہمان آنی نیام ءَ ائید ءُُ مبارکی کنگ بوت ۔ ایشی َ ابید صدر مملکت ڈٖاکٹر عارف علوی ءَ بھارتی ہائی کمشنر اے بساریہ ءَ ھم گند ءُُ نند کت ۔ بھارتی ہائی کمشنر ءَ صدر ءَ را ائید مبارکی دات ۔ صدر ءَ نریندر مودی ءَ دوارگ مزن وزیر ءِ بستار ءَ گچین بوھگ ءِ پد ءَ کلوہ دات ۔ صدر مملکت ءَ اے امیت ءِ درشان کت کہ پڑ ءَ ایمنی، برجائی، معاشی دیمروئی ءُُ الس ءِ گہبود ءِ واستہ جوان سہرا بنت ۔