کوءٹہ ۔ 03 جون (اے پی پی) وزیراعلیٰ بلوچستان جام کمال خان قلعہ سیف اللہ نا خڑک ٹریفک نا است ہسون شکست اٹی نہادی جان تا زیان آ ڈکھ و است ہسونی نا درشانی ءِ کرسا زہمی خاہوت آتون ہڑزخواہی کرینے ۔ داڑے جاری مروک آ اسہ بیان اسے ٹی وزیراعلیٰ بلوچستان ضلعی انتظامیہ ءِ ٹریفک شکست نا زہمی تا پبی کمک و ٹھپی تے درمان نا گچین آسراتی تننگ و سیکرٹری جان جوڑی ءِ تینٹ چاروکی ءِ کننگ نا پارت کرینے ۔ وزیراعلیٰ دعا کرے کہ اللہ تعالیٰ تپاخت کروک آ بندغ آتے جنت الفردوس اٹ جاگہ ایتے و ٹھپی تے زوت جان جوڑ کے ۔
