اسلام آباد ۔ 03جون (اے پی پی) سعودی عرب نا کنڈآن پاکستان ءِ ملوک آ 15,790 آن سرکاری حج اسکیم نا 7,309 پین سرسہب درخواست گزار آتے گچین کننگانے ۔ دوشنبے نادے آ وزارت مذہبی امور اٹی سرکاری اسکیم نا رداٹ ارٹ میکو حج قرعہ اندازی نا دود آن تران کرسا بنجائی وزیر مذہبی امور ڈاکٹر نور الحق قادری پارے کہ سعودی ولی عہد نا پاکستان آ بننگ نا وخت آ وزیراعظم عمران خان حج انا بابت اوڑتون روڈ ٹو مکہ پروجیکٹ و پاکستان نا حج کوٹہ ٹی ودکی نا درخواست کریسس، ہراٹی پاکستان ءِ 15,790 حاجی تا ودکی کوٹہ تننگا ۔ بنجائی کابینہ نا فیصلہ نا رداٹ دا ودکی کوٹہ ءِ ہم سرکاری و پرائیویٹ اسکیم تیٹی 60 و 40 درسد نا تناسب اٹ بشخ وپانٹ کننگ نا فیصلہ کننگانے ۔ سرکاری اسکیم نا رداٹ داکوٹہ غان 9474 وخت اس کہ پرائیویٹ اسکیم نا رداٹ 6316پاکستان حج انا فرض ءِ پورو کیرہ ۔ ہنداوڑ پاکستان نا جم وڑاٹ اِرالکھ حاجی تیان سرکاری اسکیم نا رداٹ اسہ لکھ 17ہزار وخت اس کہ پرائیویٹ اسکیم نا رداٹ 83,000 عازمین اینخو نا سال حج انا فرض ءِ ادا کیرہ ۔ سرکاری اسکیم نا ودکی کوٹہ غان 142 نشست ہارڈ شپ و گدرینگوک آ پنچ سال اٹی پدریسہ مسہ وار 2023 بے سہب درخواست گزار آتے بے قرعہ اندازی آن سرسہب گوندنگانے ۔ ہنداوڑ سرکاری اسکیم نا رداٹ ارٹ میکو قرعہ اندازی نا کمک اٹ 9474 آن 7309 درخواست گزار آتا گچینی ءِ کننگانے ۔ قرعہ اندازی نا نتیجہ غاتا احوال وزارت مذہبی امور نا ویب ساءٹ و ایس ایم ایس نا کمک اٹ کننگک ۔ اوپارے کہ اولیکو قرعہ اندازی ٹی بے سہب مروک آ ہمو بندغ آک ہم قرعہ اندازی ٹی اوار مسنو ہرافک بینک آتا تینا پیسہ غاتے پدی ہلکوسر ۔
