اسلام آباد ۔ 03جون (اے پی پی) قومی احتساب بیورو نا چیئرمین جناب جسٹس ریٹائرڈ جاوید اقبال پارینے کہ نیب اسہ بے کنڈ ہلوک ءُ ادارہ اسے ہراکہ احتساب نا عمل ءِ بے خوف و بے پرخ برجاتخک ۔ پاکستان اٹی کرپشن نا برخلاف بھلا پن تیا وخت اس ہم دوشاغنگ تنے ۔ داڑان کرپشن اٹی پدریسہ ودکی مسنے ۔ داسہ ننا چکار و اولیت میگاکرپشن نا برخلاف ءِ ۔ اونا اثر پدریسہ شیفکو درجہ نا کرپشن ءِ ہم کم کیک ۔ اسہ تاثر اسے کہ نیب انا سوب آن بزنس کمیونٹی و زرکار آتے خوف ءِ و دا ملکی معیشت آ منفی وڑاٹ اثرانداز مننگ ءِ ۔ بزنس کمیونٹی و غیر سرکاری خواجہ غاک ہرافتا تعلق پبلک آفس و پبلک فنڈآتون اف ۔ او بے خوف و است جمی اٹ تینا مثبت کاریم ءِ کانود نا رداٹ برجاتخر ۔ نیب انا بنداوی کاریم سرکاری عہدیدار و پبلک فنڈ اٹی کرپشن نا برخلاف ءِ ۔ نیب ملکی معیشت نا گچینی کن کاریم کروک آتا برخلاف اف ۔ ملکی معیشت نا گچینی کن کانود نا رداٹ کاریم کروک آتے نیب آن ہچ ءُ غاو اس مفک ۔
