اسلام آباد ۔ 03 جون (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ برٹش ایئر لائن نا جہاز آتا بناشونداری نا کنڈا روان پاکستان نا ڈیک ءِ و پوسکن آ پاکستان و اونا حکومت آ دنیا نا پت انا درشان ءِ ۔ برطانوی فضائی کمپنی برٹش ایئر ویز نا اولیکو فلاءٹ نا اسلام آباد آ بننگ نا وخت آ دوشنبے نادے آ تینا اسہ ٹویٹ اسے ٹی او پارے کہ پاکستان تحریک انصاف ہموکرے نشان تس ہرادے گدرینگوک آ حکومت آک کننگ کتنو ۔ اوپارے کہ برٹش ایئر لائن نا جہاز آتا بناشونداری نا کنڈاروان پاکستان نا عکاس ءِ ۔ خصوصی کمکار پارے کہ جہاز آتا بناداہیت انا شاہدی ءِ کہ دنیا وزیراعظم عمران خان نا پرامن پاکستان نا بیانیہ نا سچائی ءِ امنا کننگ ءِ ۔ ڈاکٹر فردوس عاشق اعوان پارے کہ کیپٹن نا کماشی ٹی پاکستان نا شونداری و شونہالی نا مسخت آتے دوئی کینہ ۔
