اسلام آباد ۔ 01جون (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ قومی خزانہ ءِ بے رحمی اٹ پلوک آک پٹرولیم مصنوعات آتا نرخ آتیا مگر مچھ آنبار خڑینک خلنگ ءُ ;238; کرپشن الیون نا گوازی گر السی جوزہ غاتون گوازی کرسا تینا گناہ ءِ بشخفنگ خواہک ، اگست نا تُو آن داوخت اسکان حکومت الس ءِ پٹرولیم مصنوعات آتے ٹی ریلیف تننگ و اوفتا زیات نہاد آتا بھاریم نا اثرآتیان بچفنگ کن 60 ارب روپئی آن زیات نا سبسڈی تسنے، ڈیہہ نا ایلو ملک آتا مقابلہ ٹی پاکستان اٹی پٹرولیم نا نہاد آتے ٹی نسبتا کم ودکی کننگانے ۔ ہفتہ نا دے آ خصوصی کمکار وزیراعظم حوالکاری و شینکاری ڈاکٹر فردوس عاشق اعوان اپوزیشن راہشون تا بیان تیا ردعمل ترسا پارے کہ ملک و قوم انا تیل ءِ کشوک آ کرپٹ لیگ راستکی تے چاہسا ہم سیاست کننگ ءِ ۔ دا الس ءِ ہشکا تننگ کن منافقت نا سیاست ءِ کننگ ءِ ۔
