راولپنڈی ۔ 01جون (اے پی پی) قطبی وزیرستان نا علاقہ بویہ ٹی پاک فوج انا گاڈی آ سم کاری و بمب جلہو کننگا ہراٹی اسہ ورناس شہید مس ۔ پاک فوج انا شعبہ تعلقات عامہ (آئی ایس پی آر) نا رداٹ قطبی وزیرستان اٹی پاک فوج انا کارندہ غاک ہردے نا گشت آ ئسر کہ قطبی وزیرستان نا علاقہ بویہ ٹی پاک فوج انا گاڈی آ سم کاری کننگا و آئی ای ڈی اٹ جلہو کننگا ہراٹی سپاہی عامل شاہ شہید مس ۔ آئی ایس پی آر نا رداٹ قطبی وزیرستان اٹی گدرینگوک آ منہ وخت اٹی دہشت گرد کارروائی تیٹی ودکی مسنے و 5 تُو اٹی 5سپاہی شہید و 31 ٹھپی مسنو ۔ خاڑ کمر چیک پوسٹ آ جلہو نا واقعہ ہم دہشت گرد آتا کمکار آتا دزگیری نا سوب پیش بس ۔

متعلقہ مضامینمصنف کی طرف سے مزید