اسلام آباد ۔ 01جون (اے پی پی) صدر مملکت ڈاکٹر عارف علوی پارے کہ معذور بندغ آک ننا راج انا اہم ءُ بشخ اسے ءُ، ناجوڑ و معذور بندغ آتا خیال ءِ تخنگ ریاست تون اوار راج انا ہر شاری نا زمواری ہم ارے ۔ داخیال آتا درشانی ءِ صدر مملکت ایوان صدر اٹ خصوصی چناتا شرف اٹ تروک آ افطار ڈنر آن تران کرسا کرے ۔ ایوان صدر اٹ تروک آ افطار ڈنر نا بست و بند ءِ پاکستان اٹی آذربائیجان نا سفارت خانہ کریسس ۔ افطار ڈنر اٹی جتا جونی و ذہنی عوارض نا سوب معذور چناک، چندی ملک آتا سفیر آک، خاتون اول ثمینہ عارف علوی و پارلیمنٹ نا باسک آتون اوار زند انا چندی بشخ آتیان تعلق تخوک آ بندغ آک بشخ ہلکر ۔
