اسلام آباد ۔ 01 جون (اے پی پی) خصوصی کمکار جا نجوڑی ظفر مرزا نرس آتا تنخواہ تیٹی ودکی نا پڑو ءِ کرینے ۔ ہفتہ نادے آ جاری اسہ بیان اسے ٹی خصوصی کمکار پارینے کہ سینٹر اٹی اسٹوڈنٹ نرس آتا ماہانہ تنخواہ شش ہزار ہشت سد روپئی آن ودفسا بیست ہزار روپئی کننگانے ۔ اوپارے کہ گریڈ 16 ٹی ریگولر نرس آتا میس الاءونس ءِ پنچ ہزار آن ودفسا ہشت ہزار وخت اس کہ ڈریس الاءونس ءِ شش سد روپئی آن ودفسا مسہ ہزار روپئی کننگا ۔ ظفر مرزا نا پاننگ ءِ کہ دا وزیراعظم عمران خان نا کنڈآن نرس آتے کن عئید انا ٹیکی ءِ ۔ اوپارے کہ نرس آتے تروک آ آسراتی تیکن دا اولیکو گام گیج ءِ ہرا جان جوڑی سیکٹر کن تمبہ نا حیثیت تخک ۔ خصوصی کمکار پارے کہ جان جوڑی حکومت نا اولیت ءِ و دانا گچینی کن غٹ وسیلہ غاتے کاریم اٹ اتنگک ۔
