حکومت السی فائدہ غاتے ٹی کانود سازی نا پوسکن ءُ ریکارڈ اس کرینے، پنجاب نا بجٹ السی فائدہ غاتے ٹی مریک ، الس ءِ بجٹ اٹ ریلیف ایتینہ، سردار عثمان بزدار

لاہور ۔ 01 جون (اے پی پی) چیئرپرسن سٹیڈنگ کمیٹی فار چیف منسٹر انسپیکشن ٹیم مومنہ وحید وزیراعلیٰ پنجاب سردار عثمان بزدار تون اوڑدہی کرے، داوخت آ چیئرپرسن سٹیڈنگ کمیٹی فار ہائر ایجوکیشن آسیہ امجد ہم ساڑی ئس ۔ داوخت آ وزیراعلیٰ پنجاب پارے کہ داوخت اسکان اسمبلی نا کارکڑدگی بھاز گچین ءِ ، پی ٹی آئی حکومت السی فائدہ غاتے ٹی کانود سازی نا پوسکن ءُ ریکارڈ اس کرینے و ننا کارکڑدگی آب اٹ و مثالی ءِ ، پنجاب نا بجٹ السی فائدہ غاتے ٹی مریک ۔ الس ءِ بجٹ اٹ ریلیف ایتنہ و غٹ باسک آک بجٹ دیوان اٹ پبی بشخ ہلیرہ ۔ وزیراعلیٰ سردار عثمان بزدار خان خصوصی وڑاٹ اودے ہڑتوم آ باسک آتے راولپنڈی آ بٹنگا ہراڑے اوفتے تون السی فائدہ غاتے ٹی گچین کانود سازی کننگ نا بابت گپ و تران کننگا و پنجاب اسمبلی ٹی سٹیڈنگ کمیٹی نا کڑد ءِ ودفنگ کن پین گام گیج کننگ آ غور مس، داوخت آ مومنہ وحید و آسیہ امجد سٹینڈنگ کمیٹی تا ویل آتا بابت وزیراعلیٰ عثمان بزدار ءِ معلومدار کرے ۔ وزیراعلیٰ پنجاب سردار عثمان بزدار پارے کہ کانود سازی ٹی اسٹینڈنگ کمیٹی تا کڑد بھاز اہم ءِ ۔