لاہور ۔ 01جون (اے پی پی) سلاہکار خزانہ ڈاکٹر عبدالحفیظ شیخ پارینے کہ بجلی و گیس انا نہاد آتےٹی ودکی حکومت نا بیوسیک ءُ ملک ءِ معاشی وڑاٹ سوگو کننگ کن حکومت مشکل ءُ فیصلہ کننگ ءِ، آئی ایم ایف پروگرام اٹ ہِننگ ہندا چرجوئی نا اسہ کڑی اسے، جہانی و ایشین ڈویلپمنٹ بینک آتیان 2 آن 3 ارب ڈالر ملنگ نا گمان ءِ ۔ پوسکن آ خراج و پٹرولیم مصنوعات آتا نہاد آتے ٹی ودکی کون آ گام گیج آتیان الس ءِ مشکل بریک ولے پاکستان نا آخبت شون ہلوک و شونہال کننگ اُن ، 300 یونٹ آن کم بجلی کاریم اٹ اتوک آتے بھاریم آن بچفنگ کن 216 ارب روپئی تخنگ انگ ءِ ۔ او گورنر ہاءوس لاہور اٹی اپٹما نا گروپ لیڈر گوہر اعجاز ، پنی آ بزنس مین افتخار ملک ، صدر لاہور چیمبرآف کامرس اینڈ لاء انڈسٹری الماس حیدر، خواجہ شہزاد ناصر و لاہور تون اوار پنجاب نا ایلو شار تیان بروک آ بزنس مین آتون اوڑدہی ٹی گپ و تران کریکہ، گورنر پنجاب چوہدری محمد سرور، وزیراعظم نا سلاہکار واپار و ٹیکسٹائل عبدالرزاق داءود ، صوبائی وزیر خزانہ ہاشم جواں بخت، صوبائی سلاہکار خزانہ ڈاکٹر سلمان شاہ ئسک ہم داوخت آ ساڑی ئسر ۔ اوڑدہی ٹی بروک آ مالی سال انا بجٹ نا بابت بزنس کمیونٹی تینا سلاہ تے تسر و ویل آتیان معلومدار کریر ۔
