اسلام آباد ۔ 01جون (اے پی پی) پاک بحریہ نا جہاز پی این ایس خیبر نا بحرین نا بندرگاہ مینا سلمان نا دورہ ءِ کرے ۔ پی این ایس خیبر ریجنل میری ٹائم سیکورٹی پٹرول نا رداٹ قطبی بحیرہ عرب اٹ تعینات ءِ ۔ ترجمان پاک بحریہ نا رداٹ پی این ایس نا تعیناتی نا مسخت قطبی بحیرہ عرب اٹی میری ٹائم سیکورٹی آپریشن آتا انجام تننگ نا ءِ تانکہ سمندری علاقہ ءِ جہانی واپار کن رکھ و پرامن کننگ مرے ۔ بندرگاہ غا سرمننگ آ رائل بحرین نیول فورسز نا آفیسر و ورناک جہاز ءِ جم و جوش اٹ بخیر کریر ۔ جہاز نا کمانڈنگ آفیسر کمانڈر بحرین کوسٹ گارڈ و ڈپٹی کمانڈر رائل بحرین نیول فورسز تون اوڑدہی کرے ۔ اوڑدہی ٹی تین پہ تینی است خواہی نا معاملہ غاتیا گپ و تران کننگا ۔ دورہ نا ایسری آ پی این ایس خیبر قطبی بحریہ عرب اٹی ریجنل میری ٹائم سیکورٹی پٹرول نا دُوارہ بناءِ کرے ۔ پی این ایس خیبر نا دا دورہ ہڑتوم آ ملک آتا بحری فوج آتا نیام اٹ ہڑتوم آ کنڈآتا تعلقداری تے پین مون آ دیک ۔

متعلقہ مضامینمصنف کی طرف سے مزید