اسلام آباد ۔ 01 جون (اے پی پی) وزیراعظم عمران خان سعودی عرب نا دورہ ءِ پورو کننگ آن پد ہفتہ نادے آ وطن آ پدی سرمس ۔ وزیراعظم مکہ مکرمہ ٹی اڈ ہلوک آ 14می اسلامی سروک کانفرنس اٹی پاکستان نا نمائندگی ءِ کرے ۔ جدہ ٹی اڈ کننگ نا وخت آ وزیراعظم او آئی سی فورم آن تران کرے و اسلاموفوبیا تون اوار ایلو چیلنج آتا برخلاف مسلم ملک آتا کنڈآن اسیجا کوشست آتیا زور شاغا ۔ وزیراعظم حق خودارادیت نا دوئی کننگ کن فلسطینی و کشمیری الس نا سیاسی جہد ءِ ہم تالان کرے ۔ سمٹ نا وخت آ وزیراعظم عمران خان سعودی شاہ سلمان بن عبدالعزیز السعود، ولی عہد محمد بن سلمان، اوغان صدر اشرف غنی ، مصری صدر عبدالفتح السیسی و بوسنیا نا صدر سیفک ظفیر وک تون جتا جتا اوڑدہی کرے ۔ وزیراعظم مکہ ٹی عمرہ کرے و مدینہ ٹی روضہ رسول ﷺ آ حاضری ہم تس ۔

متعلقہ مضامینمصنف کی طرف سے مزید