مکہ مکرمہ ۔ 01 جون (اے پی پی) وزیراعظم عمران خان پارینے کہ اسلامی کمکار تنظیم (او آئی سی ) ءِ جہانی کہول آ اسلام نا مثبت دروشم ءِ تالان کننگ و دہشت گردی ءِ اسلام تون گنڈنگ نا سازش ءِ بے سہب کننگ کن تینابایدے کڑد ءِ ادا کے ۔ ہفتہ نادے آ مکہ مکرمہ ٹی تنظیم نا چانڑدہ می سروک دیوان آن تران کرسا اومسلمان تا جہانی فورم آ زور شاغا کہ او مسلمان تا حق و اوفتا مذہبی جوزہ غاتا رکھ اکن گچین کڑد ادا کیر، دیکی ٹی اسلام مخالف سرجزو گستاخانہ مواد ءِ او آئی سی نا بے سہبی گوندسا اوپارے کہ تنظیم نا غیر موثر کڑد انا سوب مسلمان تا سیاسی جہد آجوئی ءِ غیر کانودی و اسلامی انتہاپسندی گوندنگا ۔ عمران خان پارے کہ مقبوضہ کشمیر اٹی الس آجوئی نا دوئی کننگ نا سیاسی جہد کننگ ءِ و نائن الیون ناجلہو آتیان پد کشمیری تا دا منصفانہ جہد ءِ ہم اسلامی انتہاپسندی و دہشت گردی نا پن ءِ تننگا ۔ اوپارے کہ ہنداوڑ اسرائیل ہم فلسطینی تیا ظلم کرسا اوفتا تحریک آجوئی ءِ اسلامی دہشت گردی گوندانے ۔ وزیراعظم اعادہ کرے کہ اِراریاستی ایسری آن بیدس فلسطین نا ہچ ءُ ایسر اس ممکن اف و فلسطین نا دارالحکومت دے ٹکی بیت المقدس بایدے مرے ۔ وزیراعظم عمران خان پارے کہ مقبوضہ کشمیر اٹی خلقت ءِ شدید بیدادی تون مون تروک ءِ ۔ اودنیائے اسلام آ زور شاغا کہ او دا ظلم آتا توننگ کن یکجا مریر ۔ وزیراعظم عمران خان تینا تران اٹی مسلم امہ غا زورشاغا کہ او سائنس و ٹیکنالوجی نا بشخ آ خصوصی چکار کیر، ہندا وڑ ایلو صنعت آتیانبار مصنوعی ذہانت نا صنعت آ ہم چکار خوارہ و داڑا زیات آن زیات چکاربایدے تننگے ۔ اوپارے کہ ننے نئے بیرہ تعلیم بلکن آب اٹ تعلیم، یونیورسٹی تا جوڑ کننگ و وسیلہ غاتیان پبی فائدہ ہرفنگ کن اواری اٹ بایدے کاریم کین ۔ اوزور شاغا کہ گولان نا مشک فلسطین نا ملکیت اٹ پدی تننگر و بیت المقدس فلسطین نا دارالحکومت بایدے مرے ۔ وزیراعظم عمران خان او آئی سی آ زور شاغا کہ او جہانی کہول آ اسلام نا مثبت دروشم ءِ تالان کننگ و دہشت گردی ءِ اسلام تون گنڈنگ نا سازش آتے بے سہب کننگ کن تینا کڑد ءِ ادا کے ۔ اوپارے کہ نائن الیون آن مست 80 درسد خودکش جلہو غیر مسلم انتہاپسند آک کریرہ ۔ اوپارے کہ دا فورم آن ننے دنیا ءِ پبی کلہو اس تننگ خوانہ کہ دہشت گردی نا اسلام تون ہچ ءُ تعلق اس اف ۔
