اسلام آباد۔ 31 مئی (اے پی پی) مزن وزیر عمران خان ءَ ورلڈ کپ ءَ راجی کرکٹ ٹیمب ءَ را مشورہ داتگ کہ 100درسد کار کرد ءَ پیش بکن ات۔ گڈی بال ءَ تاں لیب بکن ات ءُُ شکست ءِ ترس ءَ وتی دماگ ءَ پترگ ءَ مئیل ات۔ آدینگ ءِ روچ ءَ چاگردی تنج ٹوئٹر ءِ سر ءَ جاڑی بوتگیں بیان ءِ تہ ءَ مزن وزیر عمران خان ءَ گوشت کہ مرچی منی پاکستان ٹیمب ءِ واستہ ھما مشورہ انت آ وتی لیبی آناں میچ ءَ چہ پیسر ءَ داتگ۔ آئی ءَ گوشت کہ 100درسد کار کرد ءَ پیش بکن۔ مزن وزیر ءَ گوشت کہ شکست ءِ ترس تئی گوازی ءَ را ھراب کنت۔ آئی ءَ گوشت کہ پاکستانی آنی دعا ءُُ کمک کپتان سرفراز ءُُ راجی ٹیمب ءِ گوما انت۔
