اسلام آباد۔ 30 مئی (اے پی پی) صدر مملکت ڈاکٹر عارف علوی ءَ گوشت کہ ریاست توامیں چم ءَ چہ زھبریں مردم آناں آسراتی پجارینگ ءَ وتی زمہ واری آں چہ سر پد انت، اے رد ءَ جوانیں پالیشی آنی جوڑیشت ءِ واستہ چم ءَ چہ زھبریں مردم آناں کساس ءِ زانگ المی انت۔ آ پنچ شمبے ءِ روچ ءَ ادا ایوان ءِ صدر ءَ پاکستان ایسو سی ایشن آف دی بلائنڈ (پی اے بی) کراچی ءِ ڈل ءَ گوں تران کنان ءَ کت۔ ڈل ءَ پی اے بی ءِ صدر غلام دستگری ءُُ جنرل سیکرٹری قاری سعد نور ھوار اتنت۔ صدر مملکت ءَ بی اے بی ءِ ننیمگ ءَ چم ءَ چہ زھبریں مردم آنی جوانیں زندمان ءِ واستہ زانت ءُُ زانشت ءِ برجائی ءِ کوشست ءَ را ساڑات۔ اے پاکستان ءَ یک جتائیں نمونگ ءِ گل ات ایشی یے فیڈرل زون، صوبائی دارلحکومت آنی تہ ءَ چاریں صوبگ آنی تہ ءَ برانچ ءُُ ملک ءَ 47برانچ برجا انت۔ ایشی ءَ ابید ایش سرکاری ءُُ جندی محکمہ آنی تہ ءَ کوٹہ ءِ سر ءَ بھرتی کنگ ءِ واستہ جہد ءُُ کوشست کنگ ءَ انت۔
