اسلام آباد۔30مئی (اے پی پی) مزن وزیر عمران خان 14می او آئی سی سروکی دیوان ءَ ہوار بوہگءَ پنچ شمبے ءِ روچءَ سعودی عربءَ رہادگ بوتگ۔ سروکی دیوان31مئی ءَ بیت۔ دری کارانی کا رگس ءِ نیمگءَ چہ جاری بیانءِ ردءَ سروکی دیوان او آئی سی باسکیں ملک آناں وتی حیالء ُ لیکہءِ درشانی کنگءِ یک پلیٹ فورم اِت۔ مز ن وزیر ایندگہ جیڑہ آں ہوار جمو ں کشمیر ءِ جیڑہ، اسلام ءِ حلاپءَ گیش بوتگیں لیکہ، وانگ ء ُ زانگ ء ُ سائنسی دیمروئی وڑیں کارانی ھاترءَ سرجمیءَ دلگوشی کنت۔ 2019او آئی سی ءِ جوڑ بوہگءِ 50می ودی بوہگءِ سال اِنت۔ 1969ءَ جوڑ بوتگیں او آئی سی اقوام متحدہ ءَ پد دنیاءِ دومی مزنیں میاں ا وستمانی تنظیم اِت ۔ پاکستانءَ مسلمان آناں جیڑہء ُ جنجالاناں پدر کنگءَ تنظیم ءَ را فعال کنگءَ بنکی کرد پیلو کتگ۔ آئیءَ مدام کشمیرءِ جیڑہءِ سرءَ گپ کتگ ء ُ آئیءِ جیڑہء ُجنجال پدر کتگ اَنت۔
