اسلام آباد۔ 29 مئی (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری فردوس عاشق اعوان ءَ گوشت کہ وھد ءِ کیاسگری ءِ لٹ کار بند کنگ بیت گڈا کرپشن کنوک پسو دیگ ءِ مٹ ءَ حکومت ءِ سر ءَ ایراد گراں، سیاسی چُک آنی مزن بوھگ المی انت، بے نظیر بھٹو ءَ ناشرکاری ءِ ھلاسی ءِ واستہ وتی جان تاں کربان کت بلے مرچی آنی ءِ زھگ پاک اُرد ءِ چیک پوسٹ ءِ سر ءَ ارش کنوکیں پارلیمنٹ ءِ باسک ءَ را پارلیمنٹ ءَ آرگ ءِ گپ ءَ جنگ ءَ انت ایشی ءَ چہ آ وتی مات ءِ شہادت ءَ پشت کنز بوھگ ءَ انت، نیب ءِ گوانک جنگ ءَ زالبول ءُُ باسک آناں آرگ ءُُ ڈھ ءُُ شور کنگ کجام سیاست انت، اگاں کسے ءِ دامن ساپ انت آ چیر بوھگ ءُُ تچگ ءِ مٹ ءَ دیم ءَ بہ کنز ایت ءُُ پسو بہ دنت۔ آئی ءَ گوشت کہ پاکستان ءَ را مھکم ءُُ برجم کنگ ءَ میڈیا ءِ ارزشتی ایں کرد ات ءُُ میڈیا ءِ تہ ءَ میڈیا ورکر سرین ءِ ھڈ ءِ بستار ءَ دار انت، تاں وھد ءِ ایشرا مھکم کنگ مہ بیت نظام مھکم بوت نہ کنت۔ آئی ءَ گوشت کہ میڈیا اے وھد ءَ بازیں جیڈھ آں گوں دیم پہ دیمی انت، حکومت میڈیا مالک ءُُ ورکرز آنی نیام ءَ گستائی ءَ را کم کنگ ءِ واستہ گیشاں چہ گیش کوشست کنگ ءَ انت۔
