مزن وزیر عمران خان ءِ پنتء ُ شون ءِ پدءَ ملائیشیا ءَ بند 320پاکستان آنی ملک واتریءِ ھاترءَ پاکستان بیت المال ءِ نیمگءَ چہ 40ملین کلدار جاری

اسلام آباد۔29مئی (اے پی پی)پاکستانءِ مزن وزیر عمران خانءِ پرمان ءِ سرءَ زوت عمل کنگءَ ملائیشیا ءَ بند 320پاکستانی آنی ملک واتری ءِ ھاترءَ پاکستان بیت المال ءِ نیمگءَ چہ 40ملین کلدار جاری کنگ بوتگ اَنت۔ اے ہوالگءَ یک پریس کانفرنس ءَ تران کنان ءَ بنجاہی وزیر غلام سرور خان ءَ ملائیشیا ءَ بند پاکستانی یل کنگءِ ھاترءَ زوت گامگیج چست کنگءَ پاکستانءِ ایم ڈی عون عباس بپّیءِ شگرء ُ منت گپتگ ء ُ گشتگ کہ ملکی راج دپترءَ اولی رندءَ یک حکموتے ڈنی ملکءَ پہ وتی ملک ءِ مردماں فکر مند اِنت۔ اے مزن وزیر عمران خانءِ پہ وتی اُلس ءَ گوں مہر دوستی ءِ سبوت اِنت۔ منیجنگ ڈائریکٹر پاکستان بیت المال عون عباس بپی ءَ حال درءَ گوں گپء ُتران کتگء ُگشتگ کہ مزن وزیر پاکستان عمران خان ءِ واہشت اِنت کہ ملائیشیا ءَ کیز پاکستانی ائیدءَ وتی لوگاں و تی مردمانی گوما بہ بنت۔ پریس کانفرنس ءِ گڑ سرءَ منیجنگ ڈائریکٹر پاکستان بیت المال عون عباس بپّی ءَ ملائیشیاءَ چہ 320پاکستانی آنی ملک واتری ءِ ھاترءَ پی آئی اے ءِ نیمگءَ چہ سفری حرچ ءِ 40ملین کلدار ءِ چیک مزن وزیر ءِ حاسیں کمک کار سیدذوالفقار ء ُ ہوابازی ءِ وزیر غلام سرور ءَ را پیش کتگ۔