اسلام آباد۔ 29 مئی (اے پی پی) پرائیویٹ حج گروپ آرگنائزرز آتے پاننگانے کہ او تینا تعلقدار بینک و مالیاتی ادارہ غاتا واجبات آتیان تعلقدار ”کلیئرنس لیٹرز“ ءِ 31مئی 2019 ء اسکان وزارت مذہبی امور اٹی جمع کرفر ایلو دروشم اٹ اوفتے حج 2019ء کن کوٹہ نا الاٹمنٹ ءِ توننگک۔ وزارت مذہبی امور نا کنڈآن 14پرائیویٹ حج گروپ آرگنائزرز ءِ پارت کننگانے کہ سٹیٹ بینک انا ریکارڈ نا رداٹ داوخت اسکان اوفک تینا تعلقدار بینک و مالیاتی ادارہ غاتیان تینا واجبات آتا کلیئرنس لیٹر دوئی کتنو۔ دا کمپنی تے پاننگانے کہ او 31مئی 2019 ء اسکان تینا مالیاتی لین دین نا بابت کلیئرنس لیٹر ءِ وزارت مذہبی امور اٹ جمع کرفر ایلو دروشم اٹ اوفتے حج 2019 ء ٹی کوٹہ الاٹ کننگپک۔
