اسلام آباد۔ 29 مئی (اے پی پی) وزیر خارجہ شاہ محمود قریشی مکہ مکرمہ ٹی عمرہ ءِ ادا کرے و ملکی شونداری وشونہالی کن دعا کرے۔ وزیر خارجہ او آئی سی نا وزرائے خارجہ نا دیوان اٹی بشخ ہلنگ نا غرض اٹ سعودی عرب نا دور ہءِ کننگ ءِ۔ وزیر خارجہ شاہ محمود قریشی مکہ ٹی عمرہ ءِ ادا کرے و مسجد الحرام اٹی نمازترابیح ءِ خوانا۔ تینا اسہ ٹویٹ اسے ٹی وزیرخارجہ پارے کہ اللہ تعالیٰ دا مشکل ساہت اٹی ننا کمک ءِ کے و پاکستان ءِ قائد اعظم نا تغ تا رداٹ ملک اس جوڑ کے۔ شاہ محمود قریشی عمرہ ناادائیگی آن پد مکہ غان پدی جدہ غا سرمس ہراڑے او او آئی سی نا وزرائے خارجہ کونسل نا دیوان اٹی بشخ ہلک۔ وزیرخارجہ 31 مئی آ مکہ ٹی مروک آ او آئی سی سروک دیوان اٹی ہم وزیراعظم عمران خان تون اوار مریک۔ دیوان اٹی او آئی سی باسک ملک آتا سروک آک بشخ ہلنگ ءُ۔
